കൊച്ചി: ശബരിമല തീര്ത്ഥാടനം അട്ടിമറിക്കാനുള്ള ഗൂഢശ്രമമാണ് പിണറായി സര്ക്കാര് നടത്തുന്നതെന്ന് ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന് വാര്ത്താ സമ്മേളനത്തില് ആരോപിച്ചു. ദേവസ്വം ബോര്ഡ് പ്രസിഡന്റിന്റെ കാലാവധി വെട്ടിച്ചുരുക്കാനുള്ള തീരുമാനം ഇതിന്റെ ഭാഗമാണ്. പാര്ത്ഥസാരഥി ക്ഷേത്രം പിടിച്ചെടുത്തത് കേരളത്തിലെ ഹൈന്ദവ ആരാധനാലയങ്ങള് തകര്ക്കാനാണ്. ബോര്ഡിന്റെ ഭരണപരമായ കാര്യങ്ങളില് ഇടപെടാന് സര്ക്കാറിന് അവകാശമില്ലെന്നും അദ്ദേഹം പറഞ്ഞു.
കായല് കൊള്ളയും ഭൂമികൈയേറ്റവും നടത്തിയ മന്ത്രി തോമസ് ചാണ്ടിയെ നീക്കുക, സോളാര് കേസില് ഉള്പ്പെട്ടിട്ടുള്ളവര്ക്കെതിരെ നിയമനടപടി സ്വീകരിക്കുക തുടങ്ങിയ ആവശ്യങ്ങള് ഉന്നയിച്ച് 13ന് രാവിലെ മുതല് ബിജെപി സംസ്ഥാന സമിതിയുടെ നേതൃത്വത്തില് സെക്രട്ടറിയേറ്റ് ഉപരോധം നടത്തും. ജനങ്ങള്ക്ക് ഉപകാരപ്രദമായ രീതിയില് ജിഎസ്ടിയില് മാറ്റം വരുത്താന് സംസ്ഥാന സര്ക്കാരും തയ്യാറാകണമെന്ന് രാധാകൃഷ്ണന് ആവശ്യപ്പെട്ടു.
