കട്ടപ്പന: ജില്ലയില് രണ്ടിടങ്ങളിലായി ഉണ്ടായ അപകടത്തില് ആറ് പേര്ക്ക് പരിക്ക്. വെള്ളയാംകുടിക്ക് സമീപം കാണക്കാലിപ്പടിയില് ഇന്നലെ രാവിലെ 7.45ഓടെ ഓട്ടോറിക്ഷയുംം
ലോറിയും കൂട്ടിയിടിച്ച് അഞ്ച് പേര്ക്ക് പരിക്കേറ്റു.
സൊസൈറ്റിപ്പടി പടിഞ്ഞാറേതില് ബിജു(38), എകെജിപ്പടി അമ്പലപ്പറമ്പില് ജോണ്സന്(46), മുളകരമേട് പുത്തന്പുരയ്ക്കല് സുദര്ശന്(45), മുളകരമേട് എകെജിപ്പടി ഇളയാനിക്കല് സുധാകരന്റെ മകന് സുദേവ്(20), എകെജിപ്പടി പുത്തന്പുരയ്ക്കല് അനീഷ്(29) എന്നിവര്ക്കാണ് പരിക്കേറ്റത്. കട്ടപ്പനയിലേയ്ക്ക് വരികയായിരുന്ന ഓട്ടോറിക്ഷയും എതിരെവന്ന ലോറിയുമാണ് അപകടത്തില്പെട്ടത്. പരുക്കേറ്റവരെ കട്ടപ്പനയിലെ സ്വകാര്യ ആശുപത്രിയില് പ്രവേശിപ്പിച്ചു. ഗുരുതരമായി പരുക്കേറ്റ ബിജുവിനെ രാജഗിരി ആശുപത്രിയിലേയ്ക്ക് മാറ്റി.
തൊടുപുഴ: മിനിലോറിയും ബൈക്കും കൂട്ടിയിടിച്ച് ബൈക്ക് യാത്രികന് പരിക്കേറ്റു. ഇന്നലെ വൈകുന്നേരം അഞ്ച് മണിയോടെ നെടിയശാലയ്ക്ക് സമീപമായിരുന്നു അപകടം.
പുതുപരിയാരം സ്വദേശിയും ശാന്തിഗിരി കോളേജിലെ വിദ്യാര്ത്ഥിയുമായ അജയ്സോമിയ്ക്ക
ാണ് പരിക്കേറ്റത്. തലയ്ക്ക് പരിക്കേറ്റ യുവാവിനെ തൊടുപുഴയിലെ സ്വകാര്യ ആശുപത്രിയില് പ്രവേശിപ്പിച്ചു. പുറപ്പുഴ ഭാഗത്ത് നിന്ന് വരികയായിരുന്ന ബൈക്കും വഴിത്തലയില് നിന്ന് വരികയായിരുന്ന ലോറിയുമാണ് അപകടത്തില്പ്പെട്ടത്.
ആറ് മണിയോടെ കോലാനി നടക്കണ്ടത്തിന് സമീപവും അപകടമുണ്ടായി. കാറും സ്കൂട്ടറും കൂട്ടിയിടിച്ച് അപകടത്തില് ആര്ക്കും പരക്കില്ലെന്ന് കരിങ്കുന്നം പോലീസ് അറിയിച്ചു.
