തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ അല്പശി ഉത്സവത്തിന് ഇന്നു കൊടിയേറും. 28 നാണ് ആറാട്ട്. ഇന്നലെ വരെ അടിയന്തരപൂജയും കലശാഭിഷേകവും നടത്തി. ഇന്നു രാവിലെ 9 ന് കൊടിയേറ്റ്, രാത്രി 8.30 ന് സിംഹവാഹനത്തില് എഴുന്നെള്ളത്ത്, തുലാഭാരമണ്ഡപത്തില് രാവിലെ 9.30 ന് സംഗീതക്കച്ചേരി, പാഠകം, വൈകിട്ട് 4 ന് ഡാന്സ്, നൃത്തമണ്ഡപത്തില് വൈകിട്ട് 4 ന് കര്ണാടക സംഗീതക്കച്ചേരി, നാടകശാലയില് രാത്രി 10 ന് നരകാസുരവധം കഥകളി എന്നവ ഉണ്ടാകും. ഉത്സവദിവസങ്ങളില് ക്ഷേത്രദര്ശനത്തിന് നിയന്ത്രണമുണ്ട്. 19 ന് രാവിലെ 3.30 മുതല് 4.45 വരെയും 6.30 മുതല് ഏഴുവരെയും 8.30 മുതല് 10 വരെയും 10.30 മുതല് 11.30 വരെയും വൈകിട്ട് അഞ്ചു മുതല് 6.30 വരെയുമാണ് ദര്ശനസമയം. 20 മുതല് 27 വരെ ദിവസങ്ങളില് രാവിലെ 3.30 മുതല് 4.45 വരെയും 6.30 മുതല് ഏഴുവരെയും 8.30 മുതല് 9 വരെയും വൈകിട്ട് അഞ്ചു മുതല് ആറുവരെയുമാണ് ദര്ശനസമയം. ഈ ദിവസങ്ങളില് രാവിലെ ഒമ്പതു മുതല് 11 വരെയും ഉച്ചപൂജയ്ക്കു ശേഷവും കലശദര്ശനത്തിന് സൗകര്യമുണ്ടാകും. ആറാട്ട് ദിവസമായ 28 ന് രാവിലെ 8.30 മുതല് രാത്രി 10 വരെ മാത്രമാണ് ദര്ശനം.
പ്രതികരിക്കാൻ ഇവിടെ എഴുതുക: