തിരുവനന്തപുരം: ജോസഫ് മുണ്ടശ്ശേരി ഫൗണ്ടേഷനും കേരള സാഹിത്യ അക്കാദമിയും ഭാരത് ഭവനും ചേര്ന്ന് ഒഎന്വിയുടെ സര്ഗസംഭാവനകളെ ആദരിക്കുന്നു. 21 ന് രാവിലെ 10 ന് ഭാരത് ഭവനില് കവി സുഗതകുമാരി ഉദ്ഘാടനം ചെയ്യും. പെരുമ്പുഴ ഗോപാലകൃഷ്ണന് അധ്യക്ഷത വഹിക്കുന്ന ചടങ്ങില് പ്രൊഫ. വി.എന്. മുരളി, പ്രമോദ് പയ്യന്നൂര്, വി. സീതമ്മാള് എന്നിവര് സംസാരിക്കും. തുടര്ന്ന് സ്കൂള്-കോളേജ് വിദ്യാര്ഥികള്ക്കായുള്ള ഒഎന്വി കവിതാ-ഗാനാലാപന മത്സരങ്ങള് നടക്കും.
22 ന് രാവിലെ 10 ന് ഒഎന്വിയും പുരോഗമന സാഹിത്യവും എന്ന വിഷയത്തെ ആസ്പദമാക്കിയുള്ള സെമിനാര് പ്രൊഫ. കെ. സച്ചിദാനന്ദന് ഉദ്ഘാടനം ചെയ്യും. ഡോ. എസ്. രാജശേഖരന് അധ്യക്ഷത വഹിക്കുന്ന യോഗത്തില് കെ.പി. മോഹനന്, പിരപ്പന്കോട് മുരളി, പെരുമ്പുഴ ഗോപാലകൃഷ്ണന്, ആര്. പാര്വതീദേവി, ഡോ പി. സോമന് എന്നിവര് പ്രബന്ധങ്ങള് അവതരിപ്പിക്കും.
വൈകിട്ട് 5 ന് നടക്കുന്ന സാംസ്കാരിക സമ്മേളനം എം.എ. ബേബി ഉദ്ഘാടനം ചെയ്യും. ഡോ ജി. ബാലമോഹനന് തമ്പി അധ്യക്ഷത വഹിക്കുന്ന സമ്മേളനത്തില് ഏഴാച്ചേരി രാമചന്ദ്രന്, വി.എന്. മുരളി, സരോജിനി ഒഎന്വി, കെ.എന്. ഗംഗാധരന്, പ്രൊഫ. ആര്. രവീന്ദ്രന് നായര് എന്നിവര് സംസാരിക്കും. രാജീവ് ഒഎന്വിയും അപര്ണ രാജീവും ഒഎന്വി സ്മൃതിഗാനങ്ങള് ആലപിക്കും. പെരുമ്പുഴ ഗോപാലകൃഷ്ണന് പ്രൊഫ. കെ.എന്. ഗംഗാധരന്, ഡോ എന്.രാജശേഖരന്, എന്. ബാലകൃഷ്ണന്, ആര്. രവീന്ദ്രന്നായര് തുടങ്ങിയവര് വാര്ത്താസമ്മേളനത്തില് പങ്കെടുത്തു.
