പാലാ: കെഎസ്ആര്ടിസി ബസ്സ്റ്റാന്ഡിന് മുന്നിലെ നടപ്പാതയില് സ്ലാബുകള് നിരതെറ്റി കിടക്കുന്നത് അപകടഭീഷണിയാകുന്നു. കഴിഞ്ഞ ദിവസങ്ങളില് ഒട്ടേറെ പേരാണ് ഇവിടെ അപകടത്തില്പെട്ടത്. കിഴതടിയൂര് പള്ളി, ബസ് സ്റ്റാന്ഡ്, സ്കൂള്, തിയറ്റര് തുടങ്ങിയ വിവിധ സ്ഥലങ്ങളിലേക്ക് പോകുന്നവര് ഉപയോഗിക്കുന്ന നടപ്പാതയാണ് തകര്ന്നു കിടക്കുന്നത്. മെയിന് റോഡിലെ ഓട്ടോ സ്റ്റാന്ഡിന് സമീപത്തുകൂടിയാണ് നടപ്പാത നിര്മിച്ചിരിക്കുന്നത്. കഴിഞ്ഞ ദിവസം രണ്ട് സ്ലാബുകള് തെന്നി ഓടയില് വീണതിനെ തുടര്ന്ന് ഓട്ടോ ഡ്രൈവര്മാര് ഫ്ളെക്സ് ബോര്ഡുകളും മറ്റും ഉപയോഗിച്ച് താത്ക്കാലികമായി വഴിയടച്ചിട്ടുണ്ട്. രാത്രി ഇവിടെ കെഎസ്ആര്ടിസി ബസുകള് പാര്ക്ക് ചെയ്യുന്നുണ്ട്. റോഡിന്റെ വശത്തേക്ക് ബസുകള് ചേര്ക്കുമ്പോള് ടയറുകള് സ്ലാബില് കയറുന്നതും നിരങ്ങി നീങ്ങുന്നതുമാണ് അപകടത്തിനു കാരണമാകുന്നതെന്നു നാട്ടുകാര് പറയുന്നു. നഗരസഭാധികൃതരോട് പരാതിപ്പെട്ടിട്ടും നടപടിയില്ലെന്ന് ഓട്ടോ ഡ്രൈവര്മാര് പറയുന്നു.
നടപ്പാതയില് സ്ലാബുകള് നിരതെറ്റിയത് ഭീഷണിയായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.