കണ്ണൂര്: ജില്ലയിലെ ഗവ.ഹൈസ്കൂളുകളില് സ്കൂള് മാനേജ്മെന്റ് വികസന കമ്മറ്റി അംഗങ്ങള്ക്കുളള പരിശീലനം ഇന്ന് കണ്ണൂര്, തളിപ്പറമ്പ് വിദ്യാഭ്യാസ ജില്ലകളിലെ വിവിധ കേന്ദ്രങ്ങളില് സംഘടിപ്പിക്കും. വിദ്യാഭ്യാസത്തിന്റെ ജനാധിപത്യവല്ക്കരണം, വിദ്യാലയങ്ങള് മെച്ചപ്പെടുത്താന് ജനകീയ സംവിധാനങ്ങള്, സ്കൂളുകളുടെ ഭൗതിക സാഹചര്യങ്ങള് മെച്ചപ്പെടുത്തല്, ആകര്ഷകമാക്കല്, സമഗ്ര വിദ്യാലയ വികസന പദ്ധതി തയ്യാറാക്കല് എന്നീ പ്രവര്ത്തനങ്ങള് ഫലപ്രദമായി നടപ്പാക്കുന്നതിന് സഹായകമായ പദ്ധതി തയ്യാറാക്കുന്നതിന് സ്കൂളുകളെ പര്യാപ്തമാക്കുക എന്നതാണ് എസ്എംഡിസിയുടെ ലക്ഷ്യം. ഓരോ വിദ്യാലയത്തിലെയും എച്ച്എം, എസ്എംസി ചെയര്മാന്, പിടിഎ പ്രസിഡണ്ട്, എംപിടിഎ പ്രസിഡണ്ട്, എസ്ആര്ജി കണ്വീനര്, എല്എസ്ജിഡി മെമ്പര് എന്നിവരും ഗവ.ഹൈസ്കൂള് പരിധിയിലുളള ജില്ലാ പഞ്ചായത്ത് ഡിവിഷന് മെമ്പര്മാര് എന്നിവരും പങ്കെടുക്കും. തളിപ്പറമ്പ വിദ്യാഭ്യാസ ജില്ലയില് മാടായി ബോയ്സ് ഹൈസ്കൂള്, ടാഗോര് വിദ്യാനികേതന് ഹൈസ്കൂള്, ശ്രീകണ്ഠപുരം ഹൈസ്കൂള്, പയ്യന്നൂര് എകെഎസ് ഹൈസ്കൂള്, പയ്യന്നൂര് ഗേള്സ് ഹൈസ്കൂള് എന്നീ കേന്ദ്രങ്ങളിലും കണ്ണൂര് വിദ്യാഭ്യാസ ജില്ലയില് പളളിക്കുന്ന് ഹൈസ്കൂള്, കണ്ണൂര് മുനിസിപ്പല് ഹൈസ്കൂള് എന്നീ കേന്ദ്രങ്ങളിലുമാണ് പരിശീലനം.
സ്കൂള് മാനേജ്മെന്റ് അംഗങ്ങള്ക്ക് നേതൃത്വ പരിശീലനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.