തലശ്ശേരി: സേവാകിരണ് ചാരിറ്റബിള് സൊസൈറ്റിയുടെ ആഭിമുഖ്യത്തില് ദേശീയ വനിതാ കമ്മീഷന്റെ സഹകരണത്തോടെ 27 ന് തലശ്ശേരിയില് സെമിനാര് സംഘടിപ്പിക്കും.
അക്രമസംഭവങ്ങളില് ഇരകളാകുന്ന സ്ത്രീകള് നേരിടുന്ന പ്രശ്നങ്ങളെ സംബന്ധിച്ചാണ് സെമിനാര്. തലശ്ശേരി മാര്ക്ക് റസിഡന്സി ഹോട്ടലില് നടക്കുന്ന സെമിനാര് പ്രൊഫ.റിച്ചാര്ഡ് ഹെ എംപി ഉദ്ഘാടനം ചെയ്യും. ദേശീയ വനിതാകമ്മീഷന് അംഗം സുഷമ സാഹു മുഖ്യാതിഥിയായിരിക്കും. സേവാകിരണ് സ്വസ്ഥി ഡയരക്ടര് ഡോ.എസ്.ജയലക്ഷ്മി അധ്യക്ഷത വഹിക്കും. വിവിധ അക്രമസംഭവങ്ങളില് ഇരയാകപ്പെടുന്ന സ്ത്രീകള്ക്ക് ജീവിതത്തില് മുന്നേറാന് വേണ്ട പ്രചോദനവും നിര്ദ്ദേശങ്ങളും നല്കുക എന്ന ലക്ഷ്യത്തോടെയാണ് സെമിനാര് സംഘടിപ്പിക്കുന്നത്.
സൗജന്യ അഡ്മിഷന് നല്കും
കണ്ണൂര്: കേന്ദ്ര ടെസ്റ്റയില് മന്ത്രാലയം നാഷണല് ഇന്സ്റ്റുറ്റിയൂട്ട് ഓഫ് ഓപ്പണ് സ്കൂള് വഴി നെയ്ത്ത് തൊഴിലാളികള്ക്കും അവരുടെ മക്കള്ക്കും പത്താംതരം, പ്ലസ് ടു കോഴ്സുകള്ക്ക് സൗജന്യ അഡ്മിഷന് നല്കും. വനിതകള്ക്കും ബിപിഎല്, പട്ടികവിഭാഗത്തിലുളള പുരുഷന്മാര്ക്കുമാണ് അഡ്മിഷന്. ഇതിനായി കാന്ഫെഡ് ഹെല്പ്പ് ഡസ്ക് തുറന്നിട്ടുണ്ട്. ഫോണ്: 7034894200.
