നെടുംകുന്നം: എസ്എന്ഡിപി യോഗം 57-ാം നമ്പര് ശാഖയുടെ മഹാഗണപതി ക്ഷേത്രത്തില് വിനായക ചതുര്ഥിയോടനുബന്ധിച്ചുള്ള ഗണേശോത്സവത്തിന് തുടക്കമായി. 26ന് നടക്കുന്ന ചടങ്ങുകള്ക്ക് ക്ഷേത്രം മേല്ശാന്തി ശ്രീജിത്ത് നമ്പൂതിരി മുഖ്യകാര്മികത്വം വഹിക്കും. ഇന്നു രാവിലെ 5.30നു നിര്മാല്യ ദര്ശനം. ആറിന് അഷ്ടദ്രവ്യ മഹാഗണപതി ഹോമം. ഏഴിന് ഉഷഃപൂജ, പതിവുപൂജകള്, പുരാണ പാരായണം. വൈകിട്ട് അഞ്ചിനു വിളംബര ഘോഷയാത്ര, 26നു രാവിലെ 7.30നു ഗണേശ സഹസ്രനാമാര്ച്ചന. ഉച്ചയ്ക്കു 2.30നു ഗണേശ വിഗ്രഹ നിമജ്ജന ഘോഷയാത്ര 6.45ന് മണിമല ധര്മശാസ്താ ക്ഷേത്രം കടവില് വിഗ്രഹ നിമജ്ജനം. വൈകിട്ട് 6.45നു ദീപാരാധന.
തൃക്കൊടിത്താനം: മഹാക്ഷേത്രത്തില് ഇന്ന് രാവലെ 6ന് വിനായകചതുര്ത്ഥി അഷ്ടദ്രവ്യ മഹാഗണപതിഹോമം.
മാടപ്പള്ളി: ഭഗവതി ക്ഷേത്ര സംരക്ഷണ സമിതിയുടെ ആഭിമുഖ്യത്തില് ഇന്ന് രാവിലെ തന്ത്രി മുഖ്യന് പെരിത്തേരി മനയ്ക്കല് വാസുദേവന് നമ്പൂതിരിയുടെ മുഖ്യകാര്മ്മികത്വത്തില് അഷ്ടദ്രവ്യ മഹാഗണപതി ഹോമം നടത്തും.
ളാക്കാട്ടൂര്: മരുതുകാവ് ക്ഷേത്രത്തിലെ വിനായക ചതുര്ത്ഥി ഇന്ന് നടക്കും. പത്നി സമേതനായ മഹാഗണപതിക്ക് സിദ്ധി ബുദ്ധിമഹാഗണപതി പൂജ,അഷ്ടദ്രവ്യഗണപതി ഹോമം ക്ഷേത്രം മേല്ശാന്തി ഗിരീഷ് വാസുദേവ് നമ്പൂതിരി മുഖ്യകാര്മ്മികത്വം വഹിക്കും.
