ചക്കരക്കല്:വര്ത്തമാന കേരളത്തില് ഭീകരവാദികളെയും അധാര്മ്മികശക്തികളെയും താലോലിക്കുന്ന സാഹചര്യമാണുള്ളതെന്ന് ഒബിസി മോര്ച്ച ജില്ലാ പ്രസിഡന്റ് എം.കെ.വിനോദ്് എം.കെ.വിനോദ് അഭിപ്രായപ്പെട്ടു. പണ്ഡിറ്റ് ദീനദയാല് ഉപാദ്ധ്യായ ജന്മശതാബ്ദി ആഘോഷത്തിന്റെ ഭാഗമായി ബിജെപി ധര്മ്മടം നിയോജക മണ്ഡലം ബൂത്ത് സെക്രട്ടറി ഉപരിപ്രവര്ത്തക കണ്വെന്ഷന് പെരളശ്ശേരി ഐവര്കുളം യുപി സ്കൂളില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇടത് വലത് മുന്നണികള് പരസ്പരം രാഷ്ട്രീയ സഹകരണ മുന്നണികളായി മാറി. കേന്ദ്ര സര്ക്കാര് നടപ്പിലാക്കുന്ന ജനക്ഷേമ പദ്ധതികളെയും മറ്റ് വികസന പദ്ധതികളെയും ഒറ്റക്കെട്ടായി എതിര്ത്തുകൊണ്ട് നാടിന്റെ സമഗ്ര വികസനത്തെ ഇല്ലാതാക്കുക എന്ന നയമാണ് കോണ്ഗ്രസ്സ് മാര്കിസ്റ്റ് മുന്നണികള്ക്കുള്ളത്. ഈ മുന്നണികളുടെ ഇരട്ടത്താപ്പിനെ പൊതുസമൂഹത്തിന്ന് മുന്പില് തുറന്നുകാട്ടി കൂടുതല് പ്രവൃത്തിക്കാന് ഒരോ ബിജെപി പ്രവര്ത്തകനും തയ്യാറാവണമെന്നും അദ്ദേഹം ആഹ്വാനം ചെയതു. കെ.പി.ഹരീഷ് ബാബു അധ്യക്ഷത വഹിച്ചു. ബിജെപി ജില്ലാ പ്രസിഡണ്ട് പി.സത്യപ്രകാശ്, പി.കെ.വേലായുധന്, വി.പി.സുരേന്ദ്രന്, കെ.രാധാകൃഷ്ണന്, ആര്.കെ.ഗിരിധരന്, ബേബി സൂനാഗര്, കെ.രൂപ എന്നിവര് വിവിധ വിഷയങ്ങളില് ക്ലാസെടുത്തു. എ.ജിനചന്ദ്രന് സ്വാഗതവും എ.അനില്കുമാര് നന്ദിയും പറഞ്ഞു.
കേരളത്തില് നിലവിലുള്ളത് ഭീകരവാദികളെയും അധാര്മ്മിക ശക്തികളെയും താലോലിക്കുന്ന സാഹചര്യം: എം.കെ.വിനോദ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.