ന്യൂദല്ഹി: പ്രീമിയം ട്രെയിനുകളില് തിരക്കിനനുസരിച്ച് നിരക്ക് നിശ്ചയിക്കുന്ന ഫ്ളെക്സി നിരക്ക് സംവിധാനം നടപ്പാക്കിയത് വഴി റെയില്വേയുടെ വരുമാനത്തില് വലിയ വര്ദ്ധന. പദ്ധതി നടപ്പാക്കി ഒരു വര്ഷത്തിനകം 540 കോടി നേടാനായെന്ന് റെയില്വെ അധികൃതര് വ്യക്തമാക്കി.
ഫ്ളെക്സി നിരക്ക് വന്നതിനു ശേഷം യാത്രക്കാരുടെ എണ്ണത്തിലും വര്ദ്ധനവുണ്ടായി. അതിനാല് തന്നെ യാത്രക്കാര് ഈ പദ്ധതിക്ക് എതിരല്ലെന്നും അതുകൊണ്ട് തന്നെ പദ്ധതി നിര്ത്തലാക്കാന് റെയില്വെ ഉദ്ദ്യേശിക്കുന്നില്ലെന്നും റെയില്വെ അധികൃതര് പറഞ്ഞു.
2016 സെപ്തംബറില് ആരംഭിച്ച ഫ്ളെക്സി നിരക്ക് സംവിധാനം രാജധാനി, ശതാബ്ദി, തുരന്തോ എകസ്പ്രസുകളിലെ പത്ത് ശതമാനം സീറ്റുകളില് സാധാരണ നിരക്കില് യാത്ര ചെയ്യാനനുവദിക്കുന്നതാണ്. പത്ത് ശതമാനം സീറ്റുകള്ക്ക് പുറമേ 50 ശതമാനം ബെര്ത്തുകളിലും ഈ സംവിധാനം ലഭ്യമായിരുന്നു. ചുരുങ്ങിയ കാലയളവില് തുരന്തോ വണ്ടികള് 140 കോടിയും ശതാബ്ദി വണ്ടികള് 120 കോടിയും ഈ ഇനത്തില് സംമ്പാദിച്ചു. പദ്ധതി പ്രകാരം മാസത്തില് 80 കോടിയുടെ അധിക വരുമാനമാണ് റെയില്വെയ്ക്ക് ഉണ്ടാകുന്നത്.
പദ്ധതി നടപ്പിലാക്കിയതുവഴി 85000 അധിക യാത്രക്കാരെയും 540 കോടി അധികവരുമാനവും ലഭിച്ചുവെന്നും പിന്നെന്തിനാണ് പദ്ധതി ഉപേക്ഷിക്കുന്നതെന്നുമാണ് റെയില്വേ ഉദ്യോഗസ്ഥന് ഉന്നയിക്കുന്ന ചോദ്യം.
2016 സെപ്തംബര് മുതല് 2017 ജൂണ് വരെയുള്ള കാലയളവിനുള്ളില് ഇന്ത്യന് റെയില്വേയ്ക്ക് ലഭിച്ച അധികവരുമാനമാണ് 540 കോടിയെന്ന് റെയില്വേ വൃത്തങ്ങളെ ഉദ്ധരിച്ച് വാര്ത്താ ഏജന്സി പിടിഐ റിപ്പോര്ട്ട് ചെയ്യുന്നു.
പദ്ധതി കൃത്യമായി റെയില്വേ നിരീക്ഷിച്ചുവന്നിരുന്നുവെന്നും ഒറ്റ ട്രെയിനില്പ്പോലും ഇത്തരത്തില് അനുവദിച്ച സീറ്റുകള് ഒഴിഞ്ഞു കിടന്നില്ലെന്നും റെയില്വേ ചൂണ്ടിക്കാണിക്കുന്നു. അവസാന നിമിഷത്തില് യാത്രയ്ക്ക് തയ്യാറെടുക്കുന്ന യാത്രക്കാരെ ആകര്ഷിക്കുന്നതിന് വേണ്ടിയാണ് ഇന്ത്യന് റെയില്വേ ഫ്ളെക്സി നിരക്ക് സംവിധാനം പ്രാബല്യത്തില് വരുത്തിയത്.
