പനാമ പേപ്പറുകളിലെ റിപ്പോര്‍ട്ട്

പനാമ ആസ്ഥാനമായ നിയമ സ്ഥാപനമായ മൊസാക് ഫൊംസക ഒരു ജര്‍മ്മന്‍ പത്രത്തിലൂടെയാണ് പനാമ രേഖകകള്‍ പുറത്തുവിട്ടത്. ലോകത്താകെയുള്ള രാഷ്‌ട്രീയക്കാര്‍ നികുതി വെട്ടിപ്പിനായി അവരുടെ സമ്പത്ത് എവിടെയൊക്കെ നിക്ഷേപിക്കുന്നു എന്ന രേഖകളായിരുന്നു ഇതില്‍.

2016 ഏപ്രിലിലെ പനാമ പേപപ്പറുകള്‍ പുറത്തുവന്നതില്‍ നവാസ് ഷെറീഫിന്റെ മൂന്നു മക്കള്‍ക്ക് വ്യാജ കമ്പനികളുടെ പേരില്‍ വിദേശ നിക്ഷേപങ്ങള്‍ ഉണ്ടെന്ന് കണ്ടെത്തിയിരുന്നു. കുടുംബത്തിന്റെ സാമ്പത്തിക സ്ഥിതി സംബന്ധിച്ച വെളിപ്പെടുത്തലുകളില്‍ ഇതൊന്നും ഷെറീഫ് ചേര്‍ത്തിരുന്നില്ല. ലണ്ടനില്‍ ഫ്‌ളാറ്റുകള്‍ ഉള്‍പ്പടെയുള്ള വന്‍ വിദേശ തിരിമറികളാണ് ഇതിലൂടെ പുറത്തുവന്നിരിക്കുന്നത്.

കേസിന്റെ

നാള്‍ വഴി

2016 ഏപ്രില്‍ 3

പനാമ പേപ്പറുകള്‍ പുറത്തുവന്നു. ഇതോടെ ഫെറീഫും കുടുംബവും നിരീക്ഷണത്തിലായി.

ഏപ്രില്‍ 4

പേപ്പറുകള്‍ പുറത്തുവന്നത് ദൈവം അയച്ചതാണെന്നും, റിപ്പോര്‍ട്ടില്‍ വിശദമായ അന്വേഷണം നടത്തണമെന്നാവശ്യപ്പെട്ടുള്ള പ്രചാരണത്തിന് ഇമ്രാന്‍ ഖാന്‍ തുടക്കം കുറിച്ചു.

ഏപ്രില്‍ 5

ഷെറീഫ് അന്വേഷണത്തിന് ഉത്തരവിട്ടു.

ഏപ്രില്‍ 13

അഞ്ച് മുന്‍ സുപ്രീംകോടതി ജഡ്ജിമാരുടെ നേതൃത്വത്തില്‍ അന്വേഷണം ആരംഭിച്ചു.

മെയ് 13

അന്വേഷണ കമ്മീഷനെ സുപ്രീം കോടതി തള്ളുന്നു.

മെയ് 22- ജൂലെ 9

ഷെറീഫ് ലണ്ടനില്‍ ഹൃദയ ശസ്ത്രക്രിയയ്‌ക്കായി പോയി.

ജൂണ്‍24

ഷെറീഫിനെതിരെ പാക്കിസ്ഥാന്‍ തെഹ്‌രീക് ഇ- ഇന്‍സാഫ് തെരഞ്ഞെടുപ്പ് കമ്മിഷനില്‍ പരാതി നല്‍കുന്നു.

ആഗസ്ത് 29

ഷെറീഫിനെ അയോഗ്യനാക്കണമെന്നാവശ്യപ്പെട്ട് ഇമ്രാന്‍ ഖാന്‍ സുപ്രീംകോടതിയെ സമീപിക്കുന്നു.

നവംബര്‍ 7

ഷെറീഫിന്റെ മക്കള്‍ സുപ്രീംകോടതിയില്‍ മറുപടി നല്‍കി.

ഡിസംബര്‍ 9

ചീഫ് ജസ്റ്റിസ് ജമാലി വിരമിക്കുന്നതോട വിചാരണ നിര്‍ത്തിവെയ്‌ക്കുന്നു.

ജനുവരി 4 2017

ജസ്റ്റിസ് ആസിഫ് സയീദ് ഖോസയുടെ നേതൃത്വത്തിലുള്ള അഞ്ചംഗ ബെഞ്ച് വീണ്ടും വിചാരണ ആരംഭിക്കുന്നു.

ജനുവരി 17

ഷെറീഫിന്റെ മകള്‍ മരിയം സുപ്രീംകോടതിയില്‍ മറുപടി നല്‍കി.

ജനുവരി 23

മരിയം നുണപറയുന്നതാണെന്ന് ജര്‍മ്മന്‍ ദിനപത്രം റിപ്പോര്‍ട്ട് പുറത്തുവിടുന്നു.

ഫെബ്രുവരി 15

ഇമ്രാന്റെ പാര്‍ട്ടി ഷെറീഫിനെതിരെ കൂടുതല്‍ തെളിവുകള്‍ പുറത്തുവിടുന്നു.

ഫെബുവരി 16

ലണ്ടനിലെ സ്വത്തുക്കളുടെ ട്രസ്റ്റിയാണെന്ന് മരിയം അഭിഭാഷകന്‍ മുഖേന അറിയിക്കുന്നു.

ഫെബ്രുവരി 23

പനാമ വിചാരണ അവസാനിപ്പിക്കുന്നു.

ഏപ്രില്‍ 20

സംയുക്ത അന്വേഷണ സമിതിയെ രൂപികരിക്കുന്നു.

ജൂലൈ 10

സംയുക്ത അന്വേഷണ സമിതി റിപ്പോര്‍ട്ട് സമര്‍പ്പിക്കുന്നു.

ജൂലൈ 21

സുപ്രീംകോടതി വിധി പ്രസ്താവന മാറ്റി വെയ്‌ക്കുന്നു.

ജൂലൈ 28

ഷെറീഫിനെ അയോഗ്യനാക്കുന്നു.