ചാവക്കാട്: താലൂക്ക് ആശുപത്രിയിലേക്കുള്ള ഇടുങ്ങിയ പ്രവേശന കവാടം രോഗികളെ കൊണ്ടുവരുന്നവര്ക്ക് ദുരിതക്കെണിയാവുന്നു.
ചാവക്കാട് ആശുപത്രിയില് നിത്യേനയെത്തുന്നത് ആയിരക്കണക്കിന് രോഗികളാണ്. പൊന്നാനി റൂട്ടില് നിന്ന് രണ്ടു വഴികളിലൂടെ ആശുപത്രിയില് എത്താമെങ്കിലും പ്രധാന കവാടത്തിലൂടെയല്ലാതെ ആശുപത്രിയിലേക്ക് പ്രവേശിക്കാന് മറ്റു മാര്ഗ്ഗമില്ല .
12 അടിയില് കൂടുതല് വീതിയില്ലാത്ത ഈ റോഡരികിലാണ് രോഗികള്ക്ക് വേണ്ടി. സാധനങ്ങളും മരുന്നുകളും വാങ്ങാനുള്ള കടകളും, പരിശോധനാ ലാബുകളും പ്രവര്ത്തിക്കുന്നത്.
സാങ്കേതിക തടസ്സങ്ങള് ഉന്നയിച്ചാണ് കവാടം വീതികൂട്ടാത്തതിനെ അധികൃതര് ന്യായീകരിക്കുന്നത്. പൊന്നാനി റൂട്ടിലെ കാറ്റാടി കടവ് റോഡ് വഴി ഒരു പാലം നിര്മ്മിക്കുകയും, വിശ്വനാഥ ക്ഷേത്രത്തിന്റെ പിന്നിലൂടെ വരുന്ന റോഡ് ആശുപത്രി കോമ്പൗണ്ടിലെത്തുന്നിടത്ത് മറ്റൊരു കവാടം സ്ഥാപിക്കുകയും, വഞ്ചിക്കടവ് ഭാഗത്ത് നിന്ന് വരുന്ന വാഹനങ്ങള് ആശുപത്രി കവാടത്തിന്റെ തെക്കുഭാഗത്തുകൂടെ പ്രവേശിപ്പിക്കാവുന്ന സജ്ജീകരണങ്ങള് ഒരുക്കുകയുമാണെങ്കില് ഇന്നത്തെ ദുരവസ്ഥ പരിഹരിക്കാവുന്നതാണ്.
