വളപുരം: കൊളത്തൂര് കെഎസ്ഇബിക്ക് പരിധിയില് വളപുരം കെപി കുളമ്പിലുള്ള ട്രാന്സ്ഫോര്മര് കാടുമൂടി അപകട ഭീഷണിയുയര്ത്തുന്നു. മഴക്കാലമായതോടെ വഴിയാത്രക്കാര്ക്കും വാഹനങ്ങള്ക്കും ഭീഷണിയാകുന്നു.
മഴയത്ത് ഇതില് ചുറ്റികയറിയ പച്ചിലവള്ളികള് വൈദ്യുതി സ്പര്ശിക്കുന്നതോടെ ഇടക്കിടക്ക് പൊട്ടിതെറിക്കാറുണ്ടെന്ന് നാട്ടുകാര് പറഞ്ഞു.
ദിവസവും നിരവധി വിദ്യാത്ഥികളും വാഹനങ്ങളും ഇതുവഴി കടന്നുപോകുന്നുണ്ട്. പല തവണ അധികൃതരെ അറിയിച്ചിട്ടും ഒരു നടപടിയും സ്വീകരിച്ചിട്ടില്ലെന്ന് നാട്ടുകാര് കുറ്റപ്പെടുത്തുന്നു.
ട്രാന്സ്ഫോര്മറിന് സുരക്ഷാവലയം തീര്ത്ത് ഫ്യൂസ് ബോഡുകള് ഭദ്രമാക്കണമെന്നും അധികൃതര് ഇതിനുള്ള നടപടി സ്വീകരിചില്ലെങ്കില് കെഎസ്ഇബി ഓഫീസ് ഉപരോധമടക്കമുള്ള സമരപരിപാടികള് നടത്തുമെന്ന് കെപി കുളമ്പ്, നരിപ്പറ്റ നിവാസികള് അറിയിച്ചു.
