നാദാപുരം: പൊതു മരാമത്ത് മന്ത്രിയുടെ സന്ദര്ശനത്തോടനുബന്ധിച്ചു അതിഥി മന്ദിരം മോടികൂടാനെന്ന പേരില് ചെലവഴിച്ചത് ലക്ഷങ്ങള്. അതിഥി മന്ദിരത്തു സമീപത്തെ രണ്ടു വന് മരങ്ങളും വേരോടെ പിഴുതു മാറ്റി. നാദാപുരത്ത് പുതുതായി പണികഴിപ്പിച്ച മിനി സിവില് സ്റ്റേഷന്റെ ഉദ്ഘാടനത്തിന് മന്ത്രി ജി സുധാകരന് എത്തുന്നുണ്ട് . ഉദ്ഘാടനത്തിന്റെ മുന്നോടിയായിട്ടാണ് ഉദ്യോഗസ്ഥ തീരുമാനത്തിന്റെ ഭാഗമായി മരങ്ങള് മുറിച്ചു മാറ്റിയത്.
വര്ഷങ്ങള് പഴക്കമുള്ള മരങ്ങള് ലോക വനദിനത്തില് തന്നെയാണ് മുറിച്ചു മാറ്റാന് ഉദ്യോഗസ്ഥര് തെരഞ്ഞെടുത്തത്. ഇതിനു സമീപത്തു പ്രവര്ത്തിക്കുന്ന വില്ലേജ് ഓഫീസിലും അതിഥി മന്ദിരത്തിലും എത്തുന്നവര്ക്ക് തണലേകിയിരുന്ന മരമാണ് പൊതുമരാമത്ത് ബില്ഡിംഗ് വിഭാഗം എന്ജിനിയറുടെ നേതൃത്വത്തില് മുറിച്ചു മാറ്റിയത്. അറ്റകുറ്റ പ്പണികള്ക്കെന്ന പേരില് ഒന്നര ലക്ഷത്തോളം രൂപയാണ് അനുവദിച്ചത്.എന്നാല് ജനലുകളില് ചെറിയ അറ്റകുറ്റപ്പണികളും നാമമാത്രമായ പെയിറ്റിംഗും മാത്രമാണ് ഇവിടെ നടത്തിയത് .മൂന്നു ദിവസമായി പൊതു മരാമത്ത് വകുപ്പിലെ മൂന്നു ഉദ്യോഗസ്ഥര് ഇവിടെ ക്യാമ്പ് ചെയ്താണ് ഇത്രയും പ്രവര്ത്തനങ്ങള് നടത്തിയത്.
