വാഴയൂര്: കാരാടുള്ള ബിജെപി വാഴയൂര് പഞ്ചായത്ത് കമ്മറ്റി ഓഫീസ് അഗ്നിക്കിരയാക്കി. വ്യാഴാഴ്ച അര്ദ്ധരാത്രിയോടെയാണ് സംഭവം.
ഓഫീസിന്റെ ജനലിലൂടെ തീ എറിയുകയായിരുന്നു. തീ പടരുന്നത് ശ്രദ്ധയില്പ്പെട്ട സമീപത്തെ കെഎസ്ഇബി ഓഫീസിലെ ജീവനക്കാരാണ് നാട്ടുകാരെയും പോലീസിനെയും വിവരം അറിയിച്ചത്. മുമ്പ് നിരവധി തവണ ഈ ഓഫീസിന് നേരെ സിപിഎം ആക്രമണം ഉണ്ടായിട്ടുണ്ട്.
സംഭവത്തില് പ്രതിഷേധിച്ച് ബിജെപി പ്രവര്ത്തകര് കാരാട് ടൗണില് പ്രകടനം നടത്തി. മണ്ഡലം പ്രസിഡന്റ് ദിനേശന്, ഒബിസി മോര്ച്ച ജില്ലാ സെക്രട്ടറി സജീഷ് പുളിക്കല്, പ്രമോദ്, ഷിബു അനന്തായൂര് എന്നിവര് നേതൃത്വം നല്കി.
