കോഴിക്കോട്: യുഡിഎഫ് ഭരണകാലത്തെ പോലീസാണ് ഇപ്പോഴുമുള്ളതെന്ന് മുന് എംഎല്എയും സിപിഎം ജില്ലാ സെക്രട്ടറി പി. മോഹനന്റെ ഭാര്യയുമായ കെ.കെ. ലതിക. ഡിസിസി സെക്രട്ടറി രമേശ്നമ്പിയത്തിനെതിരെയുള്ള സ്ത്രീപീഡന കേസ് അന്വേഷണത്തില് പോലീസ് അലംഭാവം കാണിക്കുകയാണെന്നാരോപിച്ച് അഖിലേന്ത്യാ മഹിളാ അസോസിയേഷന് നേതൃത്വത്തില് കമ്മീഷണര് ഓഫീസിലേക്ക് നടത്തിയ മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അവര്.
നിയമപാലകര് സ്ത്രീവിരുദ്ധസമീപനമാണ് സ്വീകരിക്കുന്നത്. ഇത് അംഗീകരിക്കാനാവില്ല. കേസില് അലംഭാവം കാണിച്ച കസബ സിഐക്കെതിരെ നടപടിയെടുക്കണം. അവര് ആവശ്യപ്പെട്ടു. ചികിത്സാ സഹായം വാഗ്ദാനം ചെയ്ത് ഓഫിസിലേക്ക് വിളിച്ചുവരുത്തി സ്ത്രീയെ മാനഭംഗപ്പെടുത്താന് ശ്രമിച്ചു എന്നായിരുന്നു കേസ്. കേസില് രമേശ് നമ്പിയത്തിനെ ഇന്നലെ മുന്കൂര്ജാമ്യം ലഭിച്ചിരുന്നു.
കാനത്തില് ജമീല, എം.കെ. ഗീത, കെ.കെ. ലതിക, പാനൂര് തങ്കം, കെ. പുഷ്പജ എന്നിവര് മാര്ച്ചിന് നേതൃത്വം നല്കി.
