വാടാനപ്പിള്ളി: പഞ്ചായത്തിലെ ഉപതെരഞ്ഞെടുപ്പ് നടക്കുന്ന നടുവില്ക്കര മേഖലയില് ചിലവീടുകളില് മാത്രം കുടിവെള്ളം വിതരണം നടത്താനുള്ള പഞ്ചായത്ത് സെ്രകട്ടറിയുടെ നീക്കം പെരുമാറ്റചട്ട ലംഘനമാണെന്ന് പരാതി.
പൊതുഫണ്ട് ഉപയോഗിച്ച് എല്ഡിഎഫ് പ്രവര്ത്തകരെ മുന്നിര്ത്തി ചിലവീടുകളില് മാത്രം കുടിവെള്ളം വിതരണം നടത്താന് പഞ്ചായത്ത് ഭരണസമിതിയും സെക്രട്ടറിയും നടത്തിയ ശ്രമങ്ങള് ബിജെപി പ്രവര്ത്തകര് തടഞ്ഞു.
പെരുമാറ്റചട്ടം നിലനില്ക്കുന്ന സമയത്ത് എല്ഡിഎഫിന് വേണ്ടി തെരഞ്ഞെടുപ്പ് പ്രവര്ത്തനം നടത്തുന്നവരെ ഉപയോഗിച്ച് കുടിവെള്ളവിതരണം നടത്തുന്നത് ശരിയല്ലെന്ന് കാണിച്ചായിരുന്നു തടഞ്ഞത്. അസി. റിട്ടേണിംഗ് ഓഫീസറായ പഞ്ചായത്ത് സെക്രട്ടറിയെ സ്ഥാനത്ത് നിന്നും നീക്കം ചെയ്യണമെന്ന് ബിജെപി പഞ്ചായത്ത് കമ്മിറ്റി ആവശ്യപ്പെട്ടു. ഈ വിഷയത്തില് തെരഞ്ഞെടുപ്പ് കമ്മീഷനില് പരാതിപ്പെടുമെന്ന് ബിജെപി സ്ഥാനാര്ത്ഥി കെ.എസ്.ധനീഷ് പറഞ്ഞു.
