മണ്ണാര്ക്കാട് : സംസ്ഥാനത്ത് സ്ത്രീകള്ക്കുനേരെയുള്ള അതിക്രമങ്ങള് വര്ദ്ധിക്കുന്നതിന് കാരണം ഹിന്ദുസംസ്ക്കാരത്തെ അറിയാത്തവരും സംസ്ക്കാരത്തെ ഇല്ലായ്മചെയ്യാന് കച്ചകെട്ടി ഇറങ്ങിയവരുമാണെന്ന് ഹിന്ദുഐക്യവേദി സംസ്ഥാന അധ്യക്ഷ കെ.പി.ശശികലടീച്ചര് പറഞ്ഞു.
അട്ടപ്പാടി താവളത്ത് ധര്മ്മജാഗരണ് സമന്വയ സമിതി സംഘടിപ്പിച്ച ഹിന്ദുസംഗമം ഉദ്ഘാടനം ചെയ്ത് സംസാരിക്കുകയായിരുന്നു അവര്. ആര്എസ്എസ് വിഭാഗ് സംഘചാലക് വി.കെ.സോമസുന്ദരന് അധ്യക്ഷത വഹിച്ചു. ഭാരതീയ സംസ്ക്കാരത്തില് സ്ത്രീകള്ക്കുള്ള പങ്ക് വലുതാണ്. സ്ത്രീത്വത്തിന്റെ മഹിമ തൊട്ടറിയാത്തവരും അനുസരിക്കാന് കഴിയാത്തവരുമാണ് ഇന്ന് സംസ്ഥാനം ഭരിക്കുന്നത്
‘പിതാരക്ഷതി കൗമാരെ’ എന്നത് തിരുത്തി ‘പിതാപീഡിത കൗമാരെ’ എന്നാക്കി മാറ്റിയിരിക്കുന്നു. പശുവിനെ അമ്മയായികാണേണ്ടവര് അതിനെ കൊന്നുതിന്നാനാണു നടക്കുന്നത്. അട്ടപ്പാടിയില് ആദിവാസികള്ക്കിടയില് പോഷകാഹാരകുറവ് മൂലം ജനിക്കുന്ന കുട്ടികള്ക്ക് ആരോഗ്യകുറവും അതുപോലെ മരണവും സംഭവിക്കുന്നു. ഇതിനുകാരണം സംസ്ഥാന സര്ക്കാരാണ്. ഇരുമുന്നണികളും പരസ്പരം കുറ്റപ്പെടുത്തുവാനാണ് ശ്രമം.
അവരുടെ തനതായ കാര്ഷിക ഉത്പന്നങ്ങള് കൃഷിചെയ്യുവാനുള്ള സൗകര്യം ചെയ്തു കൊടുക്കുന്നില്ല. മാത്രമല്ല അവര്ക്ക് അവകാശപ്പെട്ട ഭൂമിപോലും തിരിച്ചുനല്കാന് ഇടത്-വലത് സര്ക്കാരുകള് മുന്നോട്ട് വന്നില്ലെന്നും അവര് പറഞ്ഞു.
കേന്ദ്രസര്ക്കാര് പദ്ധതികളൊന്നും ഇവിടെ വെളിച്ചം കാണാതെ പോകുകയാണ്. അന്യ ജില്ലകളില് നിന്നും വന്നിട്ടുള്ള ഭൂമാഫിയകള് ഏക്കര് കണക്കിന് സ്ഥലങ്ങള് വാങ്ങികൂട്ടിയും ആദിവാസികളുടെ ഭുമി കള്ളരേഖയുണ്ടാക്കി കൈവശപ്പെടുത്തിയതിനെതിരെ സമഗ്രമായ അന്വേഷണം വേണമെന്നും അവര് പറഞ്ഞു.
