ഒറ്റപ്പാലം: പാലക്കാട്-കുളപ്പുള്ളി സംസ്ഥാന പാതയല്ലെന്നുള്ള വാദം ബിവറേജ് കോര്പ്പറേഷന്റെ ഔട്ട്ലെറ്റുകള് സംരക്ഷിക്കുന്നതിനു വേണ്ടി സര്ക്കാര് നടത്തിയ കള്ളക്കളിയാണെന്ന് ആക്ഷേപം.
2008ജൂലൈ എട്ടാം തീയതി പി.ഡബ്ല്യൂ.ഡിയുടെ തിരുവനന്തപുരത്തെ ഓഫീസില് നിന്നും ഇന്ഫര്മേഷന് ഓഫീസര് കേരളാ കോണ്ഗ്രസ്സ് നേതാവിനു നല്കിയ വിവരാവകാശ രേഖയില് പാലക്കാട്-കുളപ്പുള്ളി സംസ്ഥാനപാതയാണെന്നു രേഖപ്പെടുത്തിയിട്ടുണ്ട്.
സര്ക്കാരിന്റെ നിരവധി രേഖകളില് ഇത് പാലക്കാട് പോന്നാനി റോഡാണ്. പാലക്കാട്-പൊന്നാനി റോഡിന്റെ ആദ്യഘട്ട നവീകരണമാണു കളപ്പുള്ളിയില് അവസാനിച്ചത്.
ജില്ലക്കകത്തെ പ്രധാനനഗരങ്ങളെ തമ്മില് ബന്ധിപ്പിക്കുന്ന റോഡാണു മേജര് ഡിസ്ട്രിക്റോഡ്. എന്നാല് പാലക്കാടുംപൊന്നാനിയും രണ്ടു ജില്ലകളാകുമ്പോള് സര്ക്കാരിന്റെ ഈവാദം ശരിയല്ലെന്നും പറയപ്പെടുന്നു. കെ.എസ്.ടി.പി.നവീകരണം കുളപ്പുള്ളിയില് അവസാനിപ്പിച്ചതുകൊണ്ടാണ് ഇത് പാലക്കാട്-കുളപ്പുള്ളിപാതയെന്ന് അറിയപ്പെടുന്നത്.
എന്നാല് യഥാര്ത്ഥ രേഖകളില് പാലക്കാട് പോന്നാനി റോഡായാണ് രേഖപ്പെടുത്തിയിട്ടുള്ളത്. 102 കിലോമീറ്റര് നീളമുള്ള ഇത്ര വലിയ ഒരു മേജര് ഡിസ്ട്രിക് റോഡ് സംസ്ഥാനത്ത് രേഖകളില് രേഖപ്പെടുത്തിയിട്ടില്ല.
ആ നിലക്ക് ഇത് സംസ്ഥാന പാതതന്നെയാണെന്ന വാദം ശരിയായുകയാണ്. ഈ പാതയോരത്തെ ബിവറേജ് ഔട്ട്ലെറ്റുകള് സംരക്ഷിക്കുന്നതിനു വേണ്ടി സര്ക്കാര് ശ്രമിക്കുകയാണെന്നും നാട്ടുകാരുടെആക്ഷേപമുണ്ട്.
ചെര്പ്പുളശ്ശേരി : വിദേശ മദ്യ ശാലയില് അത്യപൂര്വ്വ തിരക്ക് .രണ്ടെണ്ണം അടിക്കണമെങ്കില് മണിക്കൂറുകള് വരിനില്ക്കേണ്ട ഗതികേടിലാണ് കുടിയന്മാര്. ഡ്രൈ ഡേ കഴിഞ്ഞ് ആദ്യ ദിനമുതല് ഈ തിരക്ക് അനുഭവപ്പെട്ടത്. ജില്ലയിലെ മറ്റു ഔട്ട്ലറ്റുകള് പൂട്ടുന്നതോടെ ഇനിയും തിരക്ക് കൂടാനാണ് സാധ്യത. ദേശീയപാത ദൂരപരിധി കാരണം ജില്ലയിലെ 21 ഔട്ട്ലറ്റുകളില് 15 എണ്ണവും പൂട്ടി. വലിയ ക്യൂവാണ് അനുഭവപ്പെടുന്നത്. അതിനിടെ മദ്യം വാങ്ങി നല്കാനുള്ള ഏജന്റുമാരും രംഗത്തെത്തി
