തിരുവനന്തപുരം: ഭാരത് കലാകേന്ദയുടെ 9ാമത് ഭാരത് ഫെസ്റ്റിനു തുടക്കമായി. മന്ത്രി വി.എസ്.സുനില് കുമാര് ഉദ്ഘാടനം ചെയ്ത ചടങ്ങില് ബിജെപി മുന് സംസ്ഥാന പ്രസിഡന്റും ദേശീയ നിര്വാഹക സമിതി അംഗവുമായ വി. മുരളീധരന് അദ്ധ്യക്ഷത വഹിച്ചു. വിവിധ സംസ്ഥാനങ്ങളിലെ കലകളെ അറിയാനും അവസരമൊരുക്കുന്ന ഈ ഫെസ്റ്റ് മറ്റ് മേളകില് നിന്ന് വേറിട്ടു നില്ക്കുന്നതായി അദ്ദേഹം പറഞ്ഞു. സര്ഗ ശേഷിയുള്ള കലാകാരനമാരെ കണ്ടെത്തി അംഗീകരിക്കാനും ഇതിന്റെ സംഘാടകര് ശ്രദ്ധിക്കുന്നതായി അദ്ദേഹം പറഞ്ഞു. വിവിധ കലകളും സംസ്കാരവുമാണ് ഭാരതത്തെ ഒന്നിച്ചു നിര്ത്തുന്നതെന്ന് ഉദ്ഘാടന പ്രസംഗത്തില് മന്ത്രി വി.എസ്.സുനില് കുമാര് പറഞ്ഞു. ചടങ്ങില് ഭാരത് കലാകേന്ദയുടെ ജനറല് സെക്രട്ടറി പി. സുബ്രഹ്പണ്യന്, ജോയിന്റ് സെക്രട്ടറി എ. ശശികുമാര്,ഫോര്ട്ട് വാര്ഡ് കൗണ്സിലര് സുരേഷ്, വട്ടപ്പറമ്പില് ഷാപിനാഥപിള്ള, പത്മജാ രാധാകൃഷ്ണന്, സംവിധായകന് മേലില രാജശേഖരന്, ഹരിഹ സുബ്രഹ്മണ്യയ്യര് എന്നിവര് സംസാരിച്ചു. തുടര്ന്ന് ഒഡിസി നര്ത്തകി സൗമിലി ഡേയുടെ ജയ്പൂരി നൃത്തം അരങ്ങേറി.
