ആലപ്പുഴ: എക്സൈസ് സ്പെഷ്യല് സ്ക്വാഡ് ആലപ്പുഴ ടൗണിന്റെ വിവിധ ഭാഗങ്ങളില് കഴിഞ്ഞ ദിവസങ്ങളില് നടത്തിയ വ്യപകമായ റെയിഡില് മുന്ന് സ്കൂള് കുട്ടികള് ഉള്പ്പെടെ ഒന്പതു പേര്ക്കെതിരെ കേസെടുത്തു.
ആലപ്പുഴ ബീച്ച്, ഇഎംഎസ് സ്റ്റേഡിയം കെഎസ്ആര്ടിസി സ്റ്റാന്ഡ് കളര്കോട്, അമ്പലപ്പുഴ
എന്നിവിടങ്ങള് കേന്ദ്രീകരിച്ച് സ്കൂള് കുട്ടികള്ക്ക് കഞ്ചാവ് വിപണവും കഞ്ചാവിന്റെ ഉപയോഗവും നടക്കുന്നു എന്ന് ആലപ്പുഴ എക്സൈസ് സ്പെഷ്യല് സ്ക്വാഡില് ലഭിച്ച് പരാതിയെ തൂടര്ന്ന് നടത്തിയ വ്യാപകമായ റെയിഡിലാണു മൂന്നു കുട്ടികള് ഉള്പ്പെടെ ഒന്പതു പേര് പിടിയിലായത്. ഇവരില് നിന്നും മൂന്ന് ഇരുചക്ര വാഹനങ്ങളൂം 30 പൊതി കഞ്ചാവും മൊബൈല് ഫോണുകളും പിടിച്ചെടുത്തു.
സ്കൂള് കുട്ടികളെ കൂടാതെ പുന്നപ്ര തെക്ക് പഞ്ചായത്ത് വെളിയില് വീട്ടില് രാഹുല്(മണിക്കുട്ടന്), ആലപ്പുഴ വട്ടയാല് വാര്ഡില് ചെമ്മണപള്ളിചിറ തൗഫീഖ്, പഴവീട് കൈതവന ലക്ഷ്മീഭവനില് സാഹില്, പുന്നപ്ര ആലിശേരി ആഷിഖ് ഷാജി, അമ്പലപ്പുഴ വട്ടയാല്മുറി ഗിരിധര്, മുല്ലയ്ക്കല് ലത്തീം പള്ളിപുരയിടത്തില് വിന്സന്റ് എന്നിവരാണ് പിടിയിലായത്, നിരവധി മയക്കുമരുന്നു കേസുകളില് കണ്ണികളായിട്ടുള്ള ഇവരെ കുറിച്ച് അന്വേഷണം ആരഭിച്ചിട്ടുണ്ട്. റെയിഡില് സ്പെഷ്യല് സ്ക്വാഡ് സിഐ കെ.ആര്. ബാബു, പ്രിവന്റിവ് ഓഫിസര് എന്. ബാബു, കുഞ്ഞുമോന്, സിവില് എക്സൈസ് ഓഫിസറന്മാരായ, എം. റെനി, എം.കെ. സജിമോന്, അനില്ലാല്, അരുണ്, ഓംകാര്നാഥ് എന്നിവര് പങ്കെടുത്തു.
