തലശ്ശേരി: വെര്ജിന് മൂവീസിന്റെ ബാനറില് പി.ടി.കുഞ്ഞുമുഹമ്മദ് അണിയിച്ചൊരുക്കുന്ന വിശ്വാസപൂര്വ്വം മന്സൂര് എന്ന കുടുംബ ചിത്രത്തിലെ തീവ്രമായ ഒരു സീനില് തലശ്ശേരിയിലെ മാധ്യമപ്രവര്ത്തകര് ചമയങ്ങളില്ലാതെ ക്യാമറക്ക് മുന്നിലെത്തി. തലശ്ശേരി റസ്റ്റ് ഹൗസില് ഇന്നലെ കാലത്തായിരുന്നു സിനിമയുടെ ചിത്രീകരണം. കഥയില് വഴിത്തിരിവുണ്ടാക്കുന്ന കേസുമായി ബന്ധപ്പെട്ട് അന്വേഷണം നടത്തുന്ന ഡിവൈഎസ്പിയോട് സംഭവങ്ങളെപ്പറ്റി അന്വേഷിക്കാനെത്തിയ വാര്ത്താലേഖകരായി യാഥാര്ത്ഥ പത്രപ്രവര്ത്തകര് ചോദ്യങ്ങള് ചോദിക്കുന്നതും ഉദ്യോഗസ്ഥന് സരസമായി പ്രതികരിക്കുന്നതുമാണ് ക്യാമറമാന് എ.ജി.രാധാകൃഷ്ണനും സഹപ്രവര്ത്തകരും പകര്ത്തിയത്. പി.ടി.തന്നെ മാധ്യമ പ്രവര്ത്തകര്ക്ക് നിര്ദ്ദേശങ്ങള് നല്കി. റീടേക്കില്ലാതെ ഒറ്റ ടേക്കില് തന്നെ രംഗം ഒ.കെയായിരുന്നു. ഇക്കഴിഞ്ഞ ഫിബ്രവരി 24 ന് തലശ്ശേരി സ്റ്റേഡിയിത്തിനടുത്തുള്ള പഴയ മുസ്ലീം തറവാടായ ബംഗ്ലയിലാണ് സിനിമ ചിത്രീകരണത്തിന് തുടക്കമിട്ടത്. മുഖ്യമന്ത്രി പിണറായി വിജയന് സ്വച്ച്ഓണ് കര്മ്മം നിര്വ്വഹിച്ച വിശ്വാസപൂര്വ്വം മന്സൂറിന് നടി സറീന വഹാബ് ആദ്യ ക്ലാപ്പടിച്ചു. കെ.വി.മോഹനനാണ് സിനിമയുടെ നിര്മ്മാതാവ്. തലശ്ശേരി കഴിഞ്ഞാല് മുംബൈ, ഹൈദരബാദ് എന്നവിടങ്ങളിലാണ് ഷൂട്ടിംഗ് നടത്തുന്നത്. കുടുംബ ബന്ധങ്ങളിടെ കഥപറയുന്ന സിനിമയില് സറഈന വഹാബിനെ കൂടാതെ ആശ ശരത്ത്, രഞ്ജി പണിക്കര്, റോഷന്മാത്യൂ, വി.കെ.ശ്രീരാമന്, ലിയോണി ലിയോഷ്, സന്തോഷ് കീഴാറ്റൂര്, ശിവജി ഗുരുവായൂര്, ആകാശ്, സെയ്ഫ് മുഹമ്മദ് തുടങ്ങിയ താരനിരതന്നെ അഭിനേതാക്കളായിട്ടുണ്ട്. കൂടാതെ തലശ്ശേരിയിലും പരിസരത്തുമുള്ള ഏതാനും യുവാക്കളും മുഖം കാണിക്കുന്നുണ്ട്.
തലശ്ശേരിയിലെ മാധ്യമപ്രവര്ത്തകര് ചമയങ്ങളില്ലാതെ സിനിമയ്ക്ക് വേണ്ടി ക്യാമറക്ക് മുന്നിലെത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.