കോട്ടയം: ജില്ലാ നെഹ്‌റു യുവകേന്ദ്രസന്നദ്ധ പ്രവര്‍ത്തനത്തില്‍ താല്‍പ്പര്യമുള്ള യുവതീ-യുവാക്കളില്‍ നിന്നും അപേക്ഷ ക്ഷണിച്ചു. സാമൂഹ്യ സേവന രംഗത്ത് പ്രവര്‍ത്തിക്കാന്‍ താല്‍പ്പര്യമുള്ള യുവതീയുവാക്കളെ അവരവരുടെ ബ്ലോക്കുകളില്‍ ആണ് നിയമിക്കുന്നത്. ആരോഗ്യം സാക്ഷരത, ശുചിത്വം, കലാകായികം, വികസന പ്രവര്‍ത്തനം തുടങ്ങിയ മേഖലയില്‍ ബോധവത്ക്കരണം നടത്തുന്നതിന് താല്‍പ്പര്യമുള്ളവര്‍ ആയിരിക്കണം അപേക്ഷകര്‍. 29വയസുവരെ പ്രായമുള്ള യുവതീയുവാക്കള്‍ക്ക് അപേക്ഷിക്കാം. പത്താംക്ലാസ് ആണ് കുറഞ്ഞ വിദ്യാഭ്യാസ യോഗ്യത. ഉയര്‍ന്നവിദ്യാഭ്യാസമുള്ളവര്‍ക്കും കോളേജുകളില്‍ നാഷണല്‍ സര്‍വ്വീസ് വോളണ്ടിയര്‍മാരായി പ്രവര്‍ത്തിച്ചവര്‍ക്കും യുവജനക്ലബുകളും കുടുംബശ്രീ എന്നിവയില്‍ പ്രവര്‍ത്തിക്കുന്നവര്‍ക്കും മുന്‍ഗണന ലഭിക്കും. 2017 ഏപ്രില്‍ 1ന് 18വയസ്സ് പൂര്‍ത്തിയായിരിക്കണം. 29വയസ് കവിയാന്‍ പാടില്ലാത്തവരുമാണ്. റഗുലര്‍ വിദ്യാര്‍ത്ഥികള്‍ മറ്റ് ജോലികളില്‍ ഏര്‍പ്പെട്ടിരിക്കുന്നവര്‍ എന്നിവര്‍ അപേക്ഷിക്കേണ്ടതില്ല. പ്രതിമാസം ഹോണറേറിയം 5000 രൂപ ആണ്. അപേക്ഷിക്കുവാന്‍ താല്‍പ്പര്യമുള്ളവര്‍ കോട്ടയം ചന്തക്കടവിലുള്ള നെഹ്‌റു യുവകേന്ദ്രയുടെ ഓഫീസിലോ ംംം.ി്യസെീൃഴ എന്ന സൈറ്റ് അഡ്രസില്‍ ഓണ്‍ലൈന്‍ ആയോ മാര്‍ച്ച് 12ന് വൈകിട്ട് 5ന് മുന്‍പായി ഫോമില്‍ അപേക്ഷ സമര്‍പ്പിക്കേണ്ടതാണ്.
നെഹ്‌റുയുവ കേന്ദ്രയില്‍ സന്നദ്ധ പ്രവര്‍ത്തകരെ തെരഞ്ഞെടുക്കുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.