കണ്ണൂര്‍: കേന്ദ്ര-സംസ്ഥാന സര്‍ക്കാറുകള്‍ നടപ്പിലാക്കുന്ന ഡിജിറ്റല്‍ സേവനങ്ങളുടെ ഉപയോഗം പൊതുജനങ്ങള്‍ക്ക് പരിചയപ്പെടുത്തുന്നതിന് ജില്ലയിലെത്തുന്ന ഡിജിറ്റല്‍ രഥത്തിന്റെ കൊടി കൈമാറ്റം വയനാട് ജില്ലയിലെ തലപ്പുഴയില്‍ നടന്നു. വയനാട് ജില്ലാ ഭരണകൂടത്തിന്റെ കൈയ്യില്‍ നിന്നും കണ്ണൂര്‍ ജില്ലാ ഭരണകൂടത്തിന് വേണ്ടി എ.ഡി.എം ഇ.മുഹമ്മദ് യൂസഫ്, അസിസ്റ്റന്റ് ജില്ലാ ഇന്‍ഫര്‍മാറ്റിക്‌സ് ഓഫീസര്‍ ഹുമൈദാബീവി, ഐടി മിഷന്‍ ജില്ലാ പ്രൊജക്ട്മാനേജര്‍ മിഥുന്‍കൃഷ്ണ സി.എം എന്നിവര്‍ ചേര്‍ന്ന് ഏറ്റു വാങ്ങി. ആറിന് രാവിലെ 10 മണിക്ക് കലക്ടറേറ്റ് പരിസരത്ത് വിവിധ പരിപാടികളോടുകൂടി പ്രചരണ വാഹനം ഫഌഗ് ഓഫ് ചെയ്യും. പൊതുജനങ്ങള്‍ക്ക് ഇ-സേവനങ്ങളെപ്പറ്റി അറിയാനും കൂടുതല്‍ കാര്യങ്ങള്‍ മനസ്സിലാക്കാനുമുള്ള സുവര്‍ണ്ണാവസരമാണിത്. ജില്ലയിലെ 11 കേന്ദ്രങ്ങളിലൂടെയാണ് വാഹനം കടന്നു പോവുക. ജില്ലയിലെ പര്യടനം 11ന് പയ്യന്നൂരില്‍ സമാപിക്കും. കേന്ദ്ര സംസ്ഥാന ഇലക്ട്രോണിക്‌സ് ആന്റ് ഇന്‍ഫര്‍മേഷന്‍ ടെക്‌നോളജിവകുപ്പും ജില്ലാ ഇ-ഗവേണന്‍സ് വിഭാഗവും തദ്ദേശ സ്വയംഭരണ സ്ഥാപനങ്ങളും സംയുക്തമായാണ് ക്യാമ്പയിന്‍ സംഘടിപ്പിക്കുന്നത്.
ഡിജിറ്റല്‍ രഥം ആറിന് കണ്ണൂരില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.