കോട്ടയം: തിരുനക്കര ശ്രീമഹാദേവക്ഷേത്രത്തിലെ ഈ വര്ഷത്തെ തിരുവുത്സവം മാര്ച്ച് 15ന് കൊടിയേറി 24ന് ആറാട്ടോടുകൂടി സമാപിക്കും. 21ന് തിരുനക്കര പകല്പ്പൂരം, 22ന് വലിയവിളക്ക്, 23ന് പള്ളിവേട്ട, എട്ട് ദിവസം ഉത്സവബലിദര്ശനം, തിരുനാവായ ബ്രഹ്മസ്വംമഠത്തിന്റെ മുറജപം, മാന്നാര് കുട്ടംപേരൂര് വി.കെ.കൃഷ്ണന്റെ പറകൊട്ടിപാട്ട്, ആനയൂട്ട്.
മൂന്ന്ദിവസം മേജര്സെറ്റ് കഥകളി-കഥകള്: നളചരിതം നാലാം ദിവസം, കീചകവധം, സന്താനഗോപാലം, ബാലിവധം, കല്യാണസൗഗന്ധികം, കിരാതം, കലാമണ്ഡലം ഗോപിയാശാന് പങ്കെടുക്കും. മധു ബാലകൃഷ്ണന്, കോയമ്പത്തൂര് മല്ലീശേരി, ആലപ്പുഴ ബ്ലൂഡയമണ്ട്സ്, ഡോ.ജയകുമാര്, ഉണ്ണികൃഷ്ണന് എന്നിവരുടെ നേതൃത്വത്തില് പ്രശസ്ത ചലച്ചിത്ര ഗായിക ലതിക, കൊച്ചിന് ഹരിശ്രീ ഓര്ക്കസ്ട്ര എന്നിവരുടെ ഗാനമേള, പെരുവനം കുട്ടന്മാരാരുടെ ചെണ്ടമേളം, നെന്മാറ ബ്രദേഴ്സ് മന്നാര്ഗുടി വാസുദേവന് അവതരിപ്പിക്കുന്ന നാദസ്വരക്കച്ചേരി, സന്ദീപ് നാരായണന് മദ്രാസിന്റെ ആറാട്ട് കച്ചേരി, ജമനീഷ് ഭാഗവതരുടെ സംഗീതക്കച്ചേരി, കോട്ടയ്ക്കല് മധു, കോട്ടയ്ക്കല് സന്തോഷ് ഇവര് അവതരിപ്പിക്കുന്ന കഥകളിപദക്കച്ചേരി, പനമണ്ണശശി, മട്ടന്നൂര് ഉദയന് നമ്പൂതിരി ഇവരുടെ ഇരട്ടത്തായമ്പക, കോട്ടയം ഹരിഹരന്, എസ്.പി.ബിജു എന്നിവരുടെ വയലിന് ഫ്യൂഷന്, വെള്ളാരപ്പള്ളി കുട്ടന്മാരാരുടെ പഞ്ചവാദ്യം, ടി.എസ്.രാധാകൃഷ്ണജിയുടെ ഭക്തിഗാനതരംഗിണി, നീലംപേരൂര് കേശവപ്പണിക്കര്, ശ്രീകുമാര് കടുത്തുരുത്തി എന്നിവരുടെ സോപാനസംഗീതം, ആര്എല്വി,ഭാരതീയ നൃത്തകലാലയം, നാട്യപൂര്ണ്ണ സ്കൂള് ഓഫ്ഡാന്സ് എന്നിവരുടെ ഡാന്സ് എന്നിവയാണ് പ്രധാന പരിപാടികള്
