കാക്കനാട്: സ്വകാര്യ കോളേജിലെ റാഗിംങില് പരിക്കേറ്റ വിദ്യാര്ത്ഥി ആശുപത്രിയില്. ഇടപ്പള്ളി പുക്കാട്ടുപടി റോഡില് കെഎംഎം കോളേജിലെ ഒന്നാം വര്ഷ ബികോം വിദ്യാര്ത്ഥി ഹഫീസി (21) നാണ് പരിക്ക്. കാക്കനാട് കൊല്ലംകുടിമുകള് പുലിക്കുഴി വീട്ടില് ഹസൈനാറുടെ മകനാണ.് കോളേജ് കാമ്പസില് മുതിര്ന്ന വിദ്യാര്ത്ഥികള് റാഗ് ചെയ്ത് മര്ദ്ദിച്ചെന്ന് വിദ്യാര്ത്ഥി പരാതി നല്കി.
കോളേജിലെ കലാമേളക്കിടയിലാണ് വിദ്യാര്ത്ഥിയെ റാഗ് ചെയ്തത്. മുതിര്ന്ന വിദ്യാര്ത്ഥികള് കാമ്പസിലെ ആളൊഴിഞ്ഞ സ്ഥലത്തേക്ക് കൊണ്ടുപോയി പാട്ട് പാടാന് നിര്ബന്ധിച്ചു. തുടര്ന്ന് ഷര്ട്ട് ഊരാന് ആവശ്യപ്പെട്ടെങ്കിലും അനുസരിക്കാത്തതിനെ തുടര്ന്ന് അഞ്ചംഗ സംഘം മര്ദ്ദിച്ചെന്നാണ് പരാതി.
ഓടിക്കൂടിയ അധ്യാപകരും സഹപാഠികളും വിദ്യാര്ത്ഥിയെ രക്ഷപ്പെടുത്തുകയായിരുന്നു. ക്ലാസ് റൂമിലേക്ക് കയറ്റി വാതില് അടച്ചെങ്കിലും പ്രകോപിതരായ അക്രമി സംഘം ജനല്വഴയും ഭീഷണി മുഴുക്കി.
മര്ദ്ദനമേറ്റ വിദ്യാര്ത്ഥിയെ അധ്യാപകര് കാക്കനാട്ടെ സ്വകാര്യ ആശുപത്രിയില് പ്രവേശിപ്പിച്ചു. കൈയ്ക്കും മുഖത്തും ദേഹത്തും പരിക്കേറ്റിട്ടുണ്ട്. തൃക്കാക്കര പോലീസ് അന്വേഷണം ആരംഭിച്ചു.
