ഒളശ്ശ: എനാദി ആറാട്ടുവഴിയില് വഴിമുടക്കിയുളള മരത്തടികള് യാത്രക്കാര്ക്ക് ഭീഷണി ഉയര്ത്തുന്നു. തടികച്ചവടക്കാര് പാതയോരം കയ്യേറി തടികൂട്ടിയിട്ടിട്ട് മാസങ്ങളോളമായി. രാത്രിയില് വരുന്ന വാഹനങ്ങളും കാല്നട യാത്രികരും ഇതില് തട്ടി അപകടം സാധാരണമാണ്. ഇതുമൂലം വാഹനങ്ങള് കടന്നുപോകുന്നതിനും ബുദ്ധിമുട്ടാണ്. ശിവരാത്രി ദിവസം ഇതുവഴി ഘോഷയാത്രയും ഉണ്ട്. ഉപേക്ഷിക്കപ്പെട്ട നിലയിലുളള ഈ തടികള് നീക്കം ചെയ്യുന്നതിനുളള നടപടി അധികൃതര് എടുക്കണമെന്നാണ് പ്രദേശവാസികളുടെ ആവശ്യം. പൂവന്കുളങ്ങര ഭഗവതി ക്ഷേത്രത്തില്നിന്നും ശിവരാത്രിയോട് അനുബന്ധിച്ചാണ് ശ്രീ ധന്വന്തരി-ശിവ ക്ഷേത്രത്തിലേക്ക് ഉപദേശകസമിതിയുടേയും ആഘോഷ കമ്മറ്റിയുടേയും പൗര്ണ്ണമി വനിതാ കമ്മറ്റിയുടേയും സംയുക്ത ആഭിമുഖ്യത്തില് താലപ്പൊലി ഘോഷയാത്ര നടത്തുന്നത്.
മരത്തടികള് യാത്രക്കാര്ക്ക് ഭീഷണി ഉയര്ത്തുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.