കണ്ണൂര്: കണ്ണൂര്, കാസര്കോട് ജില്ലകളില് കയര് വ്യവസായം ആരംഭിക്കാന് താല്പര്യമുള്ള സംരംഭകരെ കണ്ടെത്തുന്നതിനും നിക്ഷേപങ്ങള് ആകര്ഷിക്കുന്നതിനും കയര്വികസന വകുപ്പിന്റെ ആഭിമുഖ്യത്തില് കണ്ണൂര് ചേമ്പര് ഹാളില് സംരംഭകത്വ നിക്ഷേപ സംഗമം സംഘടിപ്പിക്കുന്നു. 23 ന് രാവിലെ 10 മണിക്ക് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ഉദ്ഘാടനം ചെയ്യും. കയര് വികസന വകുപ്പ് ഡയരക്ടര് എന്.പത്മകുമാര് അധ്യക്ഷത വഹിക്കും. ഫൈബര് കൊണ്ടുള്ള ഫര്ണ്ണിച്ചറുകളും മറ്റ് ഉല്പന്നങ്ങളും എന്ന വിഷയത്തില് സെന്ട്രല് ഇന്സ്റ്റിറ്റിയൂട്ട് ഓഫ് കയര് ടെക്നോളജി ജോയിന്റ് ഡയരക്ടര് വാസുദേവനും, ഫൈബര്കൊണ്ടുള്ള മറ്റ് വൈവിധ്യ ഉല്പന്നങ്ങള് എന്ന വിഷയത്തില് കേന്ദ്ര കയര്ഗവേഷണ ഇന്സ്റ്റിറ്റിയൂട്ട് സീനിയര് സയന്റിഫിക് ഓഫീസര് എസ്.രാധാകൃഷ്ണനും ക്ലാസ്സെടുക്കും. കയര് മേഖലയിലെ നൂതന മെഷിനറികളെ കേരള സ്റ്റേറ്റ് കയര് മെഷിനറി മാനുഫാക്ച്വറിങ് കമ്പനി മാനേജിങ് ഡയരക്ടര് ശശിധരന് പരിചയപ്പെടുത്തും. പ്രൊജക്റ്റ് ഓഫീസര് പി.വി.രവീന്ദ്രകുമാര്, സി.രാധാകൃഷ്ണന്, വിജി വിജയന് എന്നിവര് പത്രസമ്മേളനത്തില് പങ്കെടുത്തു.
സംരംഭകത്വ നിക്ഷേപ സംഗമം 23 ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.