കൊച്ചി: അങ്കമാലിയിലെയും സമീപപ്രദേശങ്ങളിലെയും കുടിവെള്ള പൈപ്പുകള് മാറ്റിസ്ഥാപിക്കുന്ന പ്രവൃത്തികളുടെ പുരോഗതി ജില്ലാ കളക്ടര് കെ. മുഹമ്മദ് വൈ സഫീറുള്ള വിലയിരുത്തി. ജോലികള് മാര്ച്ച് 15നകം പൂര്ത്തിയാക്കണമെന്ന് ജില്ലാ കളക്ടര് നിര്ദേശം നല്കി. ദുരന്തനിവാരണ നിയമപ്രകാരം അടിയന്തര റോഡ് കട്ടിംഗിന് ഉത്തരവ് നല്കിയ അങ്കമാലിയിലെയും അയ്യമ്പുഴ, കറുകുറ്റി, മഞ്ഞപ്ര എന്നിവിടങ്ങളിലെയും പൈപ്പുമാറ്റിയിടലാണ് കളക്ടര് വിലയിരുത്തിയത്. ജില്ലയിലെ വരള്ച്ചാ ദുരിതാശ്വാസ പ്രവര്ത്തനങ്ങള് ഫലപ്രദമായി നടപ്പാക്കുന്നതിന്റെ ഭാഗമായായിരുന്നു സന്ദര്ശനം. 80,000 ഓളം പേര്ക്ക് നേരിട്ട് കുടിവെളള വിതരണത്തിന് സഹായകമാകുന്നതാണ് പദ്ധതി. അയ്യമ്പുഴ പഞ്ചായത്തിലെ അമലാപുരം, കാട്ടുകുളങ്ങര, ഉപ്പുകുന്ന് എന്നീപ്രദേശങ്ങളും മഞ്ഞപ്ര പഞ്ചായത്തിലെ പുല്ലത്താന് കവല, ചന്ദ്രപ്പുര, കോത്തായിത്തോട് പ്രദേശങ്ങളും ജില്ലാ കളക്ടര് സന്ദര്ശിച്ചു. വരള്ച്ചമൂലം ദുരിതമനുഭവിക്കുന്നവരില് നിന്ന് കളക്ടര് വിവരങ്ങള് ചോദിച്ചറിഞ്ഞു.
പൈപ്പിടല് ഉടന് പൂര്ത്തിയാക്കണം: കളക്ടര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.