കണ്ണൂര്: നാഷണല് ഡമേക്രാറ്റിക് ടെയിലേഴ്സ് അസോസിയേഷന് സ്പെഷല് കണ്വെന്ഷനും അനുസ്മരണ പരിപാടിയും 18 ന് കണ്ണൂര് ഗുരുഭവന് ഓഡിറ്റോറിയത്തില് നടക്കുമെന്ന് അസോസിയേഷന് ആഭരവാഹികള് വാര്ത്താ സമ്മേളനത്തില് പറഞ്ഞു. തയ്യില് തൊഴിലാളികള്ക്കു വേണ്ടി മുന്നില് നിന്നും പ്രവര്ത്തിച്ച ടി.എം.ഭാസ്ക്കരന് അനുസ്മരണ പരിപാടിയില് വി.എ.നാരായണന് അനുസ്മരണ പ്രഭാഷണം നടത്തും. സമ്മേളനം മന്ത്രി കടന്നപ്പളളി രാമചന്ദ്രന് ഉദ്ഘാടനം ചെയ്യും. ഭാസ്ക്കരനെ അനുസ്മരിച്ചു കൊണ്ട് അദ്ദേഹവുമായി അടുത്തിടപഴകിയ തൊഴിലാളികളും നേതാക്കളും ബന്ധുക്കളും ഓര്മ്മകള് പങ്കുവെയ്ക്കുന്ന ധന്യ ജീവിതം എന്ന പുസ്തകത്തിന്റെ പ്രകാശനവും ചടങ്ങില്വെച്ച് നടക്കും. അസോസിയേഷന് സംസ്ഥനാ പ്രസിഡണ്ട് ആര്.ബാലചന്ദ്രന്പിളള അധ്യക്ഷത വഹിക്കും. കോര്പ്പറേഷന് ഡെപ്യൂട്ടി മേയര് പി.കെ.രാഗേഷ് തയ്യല് മേഖലയിലെ വിശിഷ്ട വ്യക്തികളെ ആദരിക്കുകയും ഉപഹാര സമര്പ്പണവും നടത്തും. ടി.കെ.ഡി മുഴപ്പിലങ്ങാട് ഗ്രന്ഥ പരിചയം നടത്തും. വികെ.കുഞ്ഞിരാമന് ക്ഷേമനിധിയും തയ്യല് തൊഴിലാളികളും എന്ന വിഷയത്തില് മുഖ്യപ്രഭാഷണം നടത്തും. വാര്ത്താ സമ്മേളനത്തില് പി.ലക്ഷ്മണന്, ടി.എം.വാസുദേവന്, ഒ.കെ.രാമദാസ്, ടി.കെ.ഡി മുഴപ്പിലങ്ങാട് എന്നിവര് സംബന്ധിച്ചു.
















