‘അന്പോട് കൊച്ചി’ രംഗത്തിറങ്ങി: മട്ടാഞ്ചേരി ജെട്ടി ക്ലീന്
മട്ടാഞ്ചേരി: മാലിന്യം കൊണ്ട് വീര്പ്പു മുട്ടിയിരുന്ന മട്ടാഞ്ചേരി ബോട്ട് ജെട്ടിക്ക് ശാപമോക്ഷമായി. അന്പോട് കൊച്ചി പ്രവര്ത്തകര് അരയും തലയും മുറുക്കി രംഗത്തിറങ്ങിയതോടെ ശോചനീയാവസ്ഥയി ലായിരുന്ന മട്ടാഞ്ചേരി ജെട്ടിയും പരിസരവും വൃത്തിയായി. ‘സുന്ദരി കൊച്ചി’ പദ്ധതിയുടെ ഭാഗമായാണ് ശുചീകരണ പ്രവര്ത്തനങ്ങള് നടന്നത്. പരിസര ശുചീകരണത്തോടൊപ്പം ജെട്ടി പെയിന്റ് ചെയ്ത് മനോഹരമാക്കുകയും ചിത്രങ്ങള് വരച്ച് ആകര്ഷണീയമാക്കുകയും ചെയ്തു.
ജില്ലാ കളക്ടര് മുഹമ്മദ് വൈ സഫീറുള്ളയുടെ നേതൃത്വത്തിലാണ് ശുചീകരണ പ്രവര്ത്തനങ്ങള് ആരംഭിച്ചത്. അന്പോട് കൊച്ചി കൂട്ടായ്മയിലെ പ്രവര്ത്തകരും ഒപ്പം കോളേജ് വിദ്യാര്ഥികളും നഗരസഭയും നാട്ടുകാരും ഒത്ത് ചേര്ന്നു. ചിത്രകലാ അധ്യാപകന് സഞ്ജയിന്റെ നേതൃത്വത്തില് കലാകാരന്മാരും ജെട്ടിയെ സുന്ദരിയാക്കാന് ഒത്തു ചേര്ന്നു. നഗരസഭ സെക്രട്ടറി ഹരിത വി. കുമാര് ഐഎഎസ്, കൗണ്സിലര് ടി. കെ. അഷറഫ് എന്നിവരും ശുചീകരണ പ്രവര്ത്തനങ്ങളില് പങ്കാളികളായി.
മട്ടാഞ്ചേരി ജെട്ടിയുടെ മോശം അവസ്ഥയെക്കുറിച്ച് മാധ്യമങ്ങളും റിപ്പോര്ട്ട് ചെയ്തിരുന്നു. കോര്ഡിനേറ്റര് ബിമല് വാസു, സുമേഷ്, നൂതന്, എല്ദോ, അമൃത തുടങ്ങിയവരും ശുചീകരണ പ്രവര്ത്തനങ്ങള്ക്ക് നേതൃത്വം വഹിച്ചു. സുന്ദരി കൊച്ചിയുടെ ഭാഗമായി നേരത്തെ എറണാകുളം ബോട്ട് ജെട്ടിയും കെഎസ്ആര്ടിസി ബസ് സ്റ്റാന്റും ശുചീകരിച്ചിരുന്നു.
