കേളകം: കേളകം സെന്റ് തോമസ് ഹയര് സെക്കണ്ടറി സ്കൂളില് നിന്ന് ജോലി ചെയ്ത അധ്യാപക, അനധ്യാപകരുടെ സേനഹസംഗമം 25 ന് നടക്കുമെന്ന് ഭാരവാഹികള്വാര്ത്താ സമ്മേളനത്തില് പറഞ്ഞു. കേളകം സെന്റ് തോമസ് ഹയര് സെക്കണ്ടറി സ്കൂളില് വിവിധ കാലങ്ങളില് ജോലി ചെയ്യുകയും മറ്റ് സ്കൂളുകളില് നിന്നോ സെന്റ് തോമസ് സ്കൂളില് നിന്നു തന്നെയോ വിരമിക്കുകയോ ചെയ്ത അധ്യാപക, അനധ്യാപകരുടെ കുടുംബ സംഗമം സായാഹ്നം എന്ന പേരില് നടത്തും .പി.കെ.മോഹനന് അധ്യക്ഷത വഹിക്കും. കെ.ഇ.ജോസഫ് അനുസ്മരണ പ്രഭാഷണം നടത്തും, സ്കൂള് ലോക്കല് മാനേജര് ഫാ.സ്കറിയ ജോണ് മാരിയില് അനുഗ്രഹ പ്രഭാഷണം നടത്തും, ഹയര് സെക്കണ്ടറി പ്രിന്സിപ്പാള് ഇന്ചാര്ജ് പി.ജെ.വിജി, ഹൈസ്കൂള് പ്രധാനധ്യാപകന് റെജി.പി. പൗലോസ്, പൂര്വ്വ വിദ്യാര്ത്ഥി സംഘടനയായ ബെഞ്ച് പ്രസിഡന്റ് തോമസ് കളപ്പുര തുടങ്ങിയവര് സംസാരിക്കും. തുടര്ന്ന് സ്നേഹസംഗമത്തിന്റെ ഭാഗമായി സ്ക്കൂള് കോമ്പൗണ്ടില് വൃക്ഷത്തൈ നടലും നടക്കും. ഭാരവാഹികളായ കെ.എം.ജോസഫ്, എം.ടി മാത്യൂസ്, ഇ.പി.ഐസക്ക്, കെ.ഇ ജോസഫ്, കൊച്ചുത്രേസ്യതുടങ്ങിയവര് വാര്ത്താ സമ്മേളനത്തില് സംബന്ധിച്ചു. തുടര്ന്ന് സംഗമത്തിന്റെ ലോഗോയും പ്രകാശനം ചെയ്തു.
സ്നേഹസംഗമം 25ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.