മരട്: വികസനം മറയാക്കി അഴിമതിയുടെ പങ്കുകച്ചവടം നടത്തുന്നവരാണ് ഇടതുവലതു മുന്നണികളെന്ന് ബിജെപി ജില്ലാ ജനറല് സെക്രട്ടറി എം.എന്. മധു. ബിജെപി നെട്ടൂര് ഏരിയ കമ്മിറ്റി പ്രസിഡന്റ് വി.ജി. അനില്കുമാറിന്റെ നേതൃത്വത്തില് നടന്ന പദയാത്ര ഉദ്ഘാടനം ചെയ്യുകയായിരുന്നു അദ്ദേഹം. മരട് നഗരസഭയെ മുന്നണികള് അഴിമതിയുടെ കൂത്തരങ്ങാക്കി മാറ്റിയിരിക്കുകയാണ്. പൊതുമരാമത്ത് റോഡിലെ കയ്യേറ്റങ്ങള് ഒഴിപ്പിച്ച് വീതികൂട്ടല് നടപടി ഉണ്ടായില്ലെങ്കില് ശക്തമായ സമരം തുടങ്ങും. നെട്ടൂര് മാടവന പൊതുമരാമത്ത് റോഡിന്റെ ശോചനീയാവസ്ഥ പരിഹരിക്കുക, റോഡ് കയ്യേറ്റങ്ങള് ഒഴിപ്പിക്കുക എന്നീ ആവശ്യങ്ങള് ഉന്നയിച്ചാണ് പദയാത്ര സംഘടിപ്പിച്ചത്.
ഏരിയാ കമ്മിറ്റി ജനറല് സെക്രട്ടറി ടി.എ. കൃഷ്ണന് അദ്ധ്യക്ഷത വഹിച്ചു. പദയാത്ര മാടവന തണ്ടാശ്ശേരി കോളനി പരിസരത്ത് സമാപിച്ചു.
സമാപന യോഗത്തില് ബിജെപി സംസ്ഥാന സമിതിയംഗം വി.കെ. സുദേവന് മുഖ്യപ്രഭാഷണം നടത്തി. 26-ാം ബൂത്ത് കമ്മിറ്റി പ്രസിഡന്റ് വി.ജി. ജിബിന് അദ്ധ്യക്ഷത വഹിച്ചു. വിവിധ സ്ഥലങ്ങളില് നടന്ന സ്വീകരണ യോഗങ്ങളില് കര്ഷകമോര്ച്ച ജില്ലാ വൈസ് പ്രസിഡന്റ് കെ.കെ. മേഘനാഥന്, ബിജെപി നിയോജക മണ്ഡലം ട്രഷറര് പി.കെ. പീതാംബരന്, മണ്ഡലം ജനറല് സെക്രട്ടറി കെ.എസ്. സുബീഷ്, മരട് മുനിസിപ്പല് കമ്മിറ്റി വൈസ് പ്രസിഡന്റ് എം.കെ. മധുസൂദനന്, പട്ടികജാതി മോര്ച്ച മണ്ഡലം ജനറല് സെക്രട്ടറി ബാബു തണ്ടാശ്ശേരി, ഇ.ബി. സുദര്ശനന്, എം.കെ. സുരേഷ് കുമാര്, നജീബ് തുടങ്ങിയവര് പ്രസംഗിച്ചു.
നെട്ടൂര് മാടവന പിഡബ്ലുഡി റോഡിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് ബിജെപി നെട്ടൂര് ഏരിയ കമ്മിറ്റി പ്രസിഡന്റ് വി.ജി. അനില്കുമാറിന്റെ നേതൃത്വത്തില് നടന്ന പദയാത്ര
