ആലപ്പുഴ: ചിത്രകാരന്മാരുടെ സംഘടനയായ ‘ചതുരാത്മ’യുടെ നേതൃത്വത്തില് ആലപ്പുഴ, പത്തനംതിട്ട, കോട്ടയം ജില്ലകളിലെ 18 ചിത്രകാരന്മാര് ഇന്നു വൈകിട്ട് മൂന്നിന് ആലപ്പുഴ കടപ്പുറത്ത് കടല്ചിത്രം തത്സമയം ചിത്രീകരിക്കും.
ആലപ്പുഴ നഗരചത്വരത്തിലെ ലളിതകലാ അക്കാദമി ഹാളില് ഇന്നുമുതല് നാലുദിവസം നീളുന്ന ഇവരുടെ ചിത്രപ്രദര്ശനത്തിന്റെ ഭാഗമായാണ് കടല്ച്ചിത്രം പകര്ത്തുന്നത്. അക്കാദമി ഹാളിലെ ചിത്രപ്രദര്ശനം നിരൂപകനും നോവലിസ്റ്റുമായ എം.കെ. ഹരികുമാര് ഇന്നു രാവിലെ 11ന് ഉദ്ഘാടനം ചെയ്യും.
ചിത്രകാരന് വാന്ഗോഗിനെ കുറിച്ചുള്ള ഹരികുമാറിന്റെ പുതിയ നോവല് ചിത്രകലയെ വ്യത്യസ്ത കോണുകളിലൂടെ വിലയിരുത്തുന്നുണ്ട്. ആറ് വ്യത്യസ്ത കവര് ഡിസൈന് ആണ് നോവലിന്റെ പ്രത്യേകത. കവിയും നാടന്പാട്ട് കലാകാരന്മാരുമായ പുന്നപ്ര ജ്യോതികുമാര് മുഖ്യാതിഥി ആയിരിക്കും.
ജ്യോതികുമാറിന്റെ ‘നാക്കാലി പെണ്ണ്’ എന്ന കവിത 25വര്ഷം പിന്നിടുന്ന പശ്ചാത്തലത്തില് നാക്കാലി പെണ്ണിന്റെ ചിത്രവും പ്രദര്ശനത്തില് ഉള്പ്പെടുത്തിയിട്ടുണ്ട്. പ്രദര്ശനം ഏഴിനു സമാപിക്കും. ചിത്രകാരന്മാരായ സി.കെ. വിശ്വനാഥന്, സി.പി. പ്രസന്നന്, ദദ്രന് കാര്ത്തിക, രാജകല എണ്ണയ്ക്കാട്, സി. രാജപ്പന്, ഡി.പി.എസ്.സി. ബോസ്, ശ്രീരാജ്, പ്രൊഫ. ഉണ്ണിക്കൃഷ്ണന്, പ്രണവം ശ്രീകുമാര്, വി.സി. അനില്, സേതു വര്മ്മ, അഷിത സലിം, ഗ്രേസി ഫിലിപ്പ്, ജിനീഷ് പീലി, കെ.എസ്. വിജയന്, വി.എന്. രമേഷ് കുമാര്, ഷാജി വാസന്, ടി.ആര്. അജയന് എന്നിവരുടെ ചിത്രങ്ങളാണ് പ്രദര്ശനത്തിലുള്ളത്.
