കോഴിക്കോട്: പള്സ് പോളിയോ പ്രതിരോധ തുള്ളിമരുന്ന് വിതരണത്തിന്റെ ജില്ലയിലെ ആദ്യഘട്ടം ഇന്ന് നടക്കും.പരിപാടിയുടെ ജില്ലാതല ഉദ്ഘാടനം രാവിലെ എട്ടിന് മൊഫ്യൂസല് ബസ് സ്റ്റാന്റ് പരിസരത്ത് മേയര് തോട്ടത്തില് രവീന്ദ്രന് നിര്വഹിക്കും.
അഞ്ച് വയസ്സില് താഴെയുള്ള ജില്ലയിലെ 2.5 ലക്ഷത്തോളം കുട്ടികള്ക്ക് മരുന്ന് നല്കാനാണ് ലക്ഷ്യമിടുന്നത്. തൊട്ടു മുമ്പുള്ള ദിവസം പോളിയോ വാക്സിന് നല്കിയ കുട്ടികള്ക്കും പള്സ്പോളിയോ ദിനത്തില് വാക്സിന് നല്കണമെന്ന് ്ആരോഗ്യപ്രവര്ത്തകര് പറഞ്ഞു. തുള്ളിമരുന്ന് നല്കാനായി വിവിധ അംഗന്വാടികള്, ആരോഗ്യസ്ഥാപനങ്ങള്, സ്കൂളുകള്, വായനശാലകള് എന്നിവിടങ്ങളിലായി 2262 ബൂത്തുകള് ഒരുക്കിയിട്ടുണ്ട്. പരിശീലനം പൂര്ത്തിയാക്കിയ 255 സൂപ്പര്വൈസര്മാരുടെയും 4797 വളണ്ടിയര്മാരുടെയും സേവനം ഇതിനായി ഉപയോഗപ്പെടുത്തും. അംഗന്വാടി പ്രവര്ത്തകര്, ആശാപ്രവര്ത്തകര്, കുടുംബശ്രീ പ്രവര്ത്തകര് തുടങ്ങിയവരെയാണ് വളണ്ടിയര്മാരായി തെരഞ്ഞെടുത്തിരിക്കുന്നത്.
