മുഹമ്മ: റിപ്പബ്ലിക് ദിനത്തോടനുബന്ധിച്ച് 50 മൈക്രോണില് താഴെയുള്ള പ്ലാസ്റ്റിക് ക്യാരിബാഗുകളുടെ ഉപയോഗം മണ്ണഞ്ചേരി പഞ്ചായത്ത് പ്രദേശത്ത് നിരോധിക്കാന് പഞ്ചായത്തുകമ്മറ്റി തീരുമാനിച്ചു. സംസ്ഥാന സര്ക്കാര് നടപ്പാക്കുന്ന ഹരിതകേരളം പദ്ധതിയുടെ സാദ്ധ്യതകള് ഉപയോഗിച്ച് പഞ്ചായത്തിനെ ശുചിത്വഹരിത ഗ്രാമമാക്കുന്നതിനായി ക്ലീന് മണ്ണഞ്ചേരി – ഗ്രീന് മണ്ണഞ്ചേരി പദ്ധതിയുടെ ഭാഗമായാണ് പ്ലാസ്റ്റിക് ക്യാരിബാഗുകളുടെ നിരോധനം. ശുചിത്വ-ഹരിത-ജലസുഭിക്ഷ ഗ്രാമം എന്നീപേരുകളിലാണ് പദ്ധതി ഏറ്റെടുത്തിട്ടുള്ളത്.
ഫെബ്രുവരി വരെ ക്യാരിബാഗ് വിനിയോഗിക്കുന്നവര്ക്കെതിരെ താക്കീത് നല്കും. അതിനുശേഷം നിരോധിത പ്ലാസ്റ്റിക് ക്യാരിബാഗുകള് കൈവശംവക്കുകയോ പൊതുഇടങ്ങളില് നിക്ഷേപിക്കുകയോ, കത്തിക്കുകയോ ചെയ്യുന്നവര്ക്കെതിരെ നിയമാനുസൃത നടപടി സ്വീകരിക്കും.
വിദ്യാര്ത്ഥികള്ക്കായി വിവിധ മത്സരങ്ങള് നടത്തും. 25ന് വിദ്യാര്ത്ഥികളുടെ ശുചിത്വസന്ദേശറാലി പഞ്ചായത്തിന്റെ ആഭിമുഖ്യത്തില് സംഘടിപ്പിക്കും. 26ന് വാര്ഡിലെയും ഗ്രാമസഭകള് ചേര്ന്ന് ഹരിത പദ്ധതി അംഗീകരിക്കും.
