അമ്പലപ്പുഴ: ലിഫ്റ്റില് കയറാന് താമസം നേരിട്ടതിന് രോഗിയുടെ ബന്ധു ആശുപത്രി ജീവനക്കാരനെ മര്ദ്ദിച്ചു. ലിഫ്റ്റ് ഓപ്പറേറ്റര് വിനോദി(29)നാണ് മര്ദ്ദനമേറ്റത്. ഇന്നലെ ഉച്ചക്ക് 12.45നായിരുന്നു സംഭവം.
സ്ത്രീകളുടെ വാര്ഡായ 17 ല് നിന്നും 16 ലേക്കെത്തിയ ലിഫ്റ്റില് കയറാന് രോഗികള് ശ്രമിക്കുമ്പോള് താമസം നേരിട്ടെന്നാരോപിച്ച് പുന്നപ്ര സ്വദേശിയായ മദ്ധ്യവയസ്കന് വിനോദിനെ ക്രൂരമായി മര്ദ്ദിക്കുകയായിരുന്നു. ലിഫ്റ്റിലെ തിരക്കുമൂലം രോഗികള് കയറിയതിനു ശേഷമെ മറ്റുള്ളവര് പ്രവേശിക്കാവു എന്നു പറഞ്ഞതാണ് മദ്ധ്യവയസ്കനെ പ്രകോപ്പിച്ചത്.
തുടര്ന്ന് ഇയാള് വിനോദിനെ തള്ളുകയും തള്ളലില് ലിഫ്റ്റ് ഓപ്പറേറ്ററുടെ തല സമീപത്തെ ഭിത്തിയിലിടിച്ച് പരിക്കേല്ക്കുകയുമായിരുന്നു. അടിവയറിനും മുഖത്തും മര്ദ്ദനമേറ്റ് വിനോദ് നിലത്തുവീണു.
കണ്ടുനിന്നവര് ഇദ്ദേഹത്തെ അത്യാഹിതത്തിലെത്തിക്കുകയുമായിരുന്നു. പ്രതിക്കു വേണ്ടി അന്വേഷണം ഊര്ജ്ജിതമാക്കി.
