ആലപ്പുഴ: ക്ഷീരവികസന വകുപ്പിന്റെയും ക്ഷീര സഹകരണസംഘങ്ങളുടെയും ആഭിമുഖ്യത്തില് ത്രിതല പഞ്ചായത്ത്, മില്മ, കേരള ഫീഡ്സ് എന്നിവയുടെ സഹകരണത്തോടെ പാലമേല് ക്ഷീര സഹകരണ സംഘം ജില്ല ക്ഷീരകര്ഷക സംഗമം 19, 21 തീയതികളില് നൂറനാട് പണയില് ദേവീക്ഷേത്രാങ്കണത്തില് നടത്തും. ചിത്രരചന മത്സരം, കന്നുകാലി പ്രദര്ശന മത്സരം, ശില്പശാല, പ്രദര്ശനം, സെമിനാര്, കര്ഷകരുമായി മുഖാമുഖം, ആദരിക്കല്, പ്രശ്നോത്തരി എന്നിവ സംഘടിപ്പിക്കും.
19ന് ഉച്ചയ്ക്ക് 12 ന് സംഗമം മന്ത്രി കെ. രാജു ഉദ്ഘാടനം ചെയ്യും. ആര്. രാജേഷ് എംഎല്എ അദ്ധ്യക്ഷത വഹിക്കും. കൊടിക്കുന്നില് സുരേഷ് എംപി മുഖ്യപ്രഭാഷണം നടത്തും. ജില്ലയില് ഏറ്റവും കൂടുതല് പാല് ഉല്പദാന വര്ദ്ധന നേടിയ യൂണിറ്റിനുള്ള അവാര്ഡും മന്ത്രി വിതരണം ചെയ്യും.
21ന് രാവിലെ കന്നുകാലി പ്രദര്ശനമത്സരം. രാവിലെ 8.30ന് പാലമേല് ഗ്രാമപഞ്ചയാത്ത് വൈസ് പ്രസിഡന്റ് കെ.ബിജു പ്രദര്ശനം ഉദ്ഘാടനം ചെയ്യും. 11.30ന് സ്കൂള് ഡയറി ക്ലബിലെ കുട്ടികള്ക്കായി പണയില് ഇഎംഎസ് സ്മാരക സാംസ്കാരിക നിലയത്തില് ഡയറി ക്വിസ് മത്സരം നടത്തും.
ഉച്ചയ്ക്ക് ശേഷം 2.30ന് ആര്. രാജേഷ്് എംഎല്എയുടെ അദ്ധ്യക്ഷതയില് ചേരുന്ന സമാപന സമ്മേളനവും പാലമേല് ക്ഷീരഭവനം ഉദ്ഘാടനവും മന്ത്രി ജി. സുധാകരന് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ജി.വേണുഗോപാല് മുഖ്യപ്രഭാഷണം നടത്തും.
