ചെങ്ങന്നൂര്: വിളവെടുക്കാറായ കരിമ്പിന് തോട്ടത്തിന് തീ പിടിച്ചു. തിരുവന്വണ്ടൂര് പഞ്ചായത്തില് ഇരമല്ലിക്കര പുന്നത്തറയില് ബാലകൃഷ്ണപിള്ളയുടെ വിളവെടുക്കാറായ മൂന്നേക്കര് കരിമ്പുകൃഷിക്കാണ് തീ പിടിച്ചത്.
ഒന്നരയേക്കര് കൃഷി പൂര്ണ്ണമായും കത്തി നശിച്ചു. ഇന്നലെ ഉച്ചയ്ക്ക് രണ്ടു മണിയോടെയാണ് സംഭവം. ഇരമല്ലിക്കര വരട്ടാറിന് സമീപം വാളത്തോട് ഭാഗത്തെ കരിമ്പിന് പാടത്താണ് തീ പടര്ന്നത്.
കൃഷിയിടത്തിന്റെ കിഴക്കുഭാഗത്തുനിന്നും പടിഞ്ഞാറു ഭാഗത്തുനിന്നും തീ ആളിപ്പടരുകയായിരുന്നു. പാടത്തിന് സമീപം ശര്ക്കര ആട്ടുന്ന സ്ഥലത്തുണ്ടായിരുന്നവരും സമീപ വാസികളുമാണ് വിവരം ആദ്യം അറിയുന്നത്.
വെള്ളമൊഴിച്ച് തീ കെടുത്താന് ശ്രമിച്ചെങ്കിലും വിജയിച്ചില്ല. തുടര്ന്ന് വിവരം അറിയിച്ചതിനെ തുടര്ന്ന് ചെങ്ങന്നൂരില് നിന്നും തിരുവല്ലയില് നിന്നും അഗ്നിശമന സേന എത്തി. ഒന്നര മണിക്കൂറെടുത്താണ് തീ നിയന്ത്രണവിധേയമാക്കിയത്. സമീപത്തുള്ള മറ്റു പാടങ്ങളിലേക്കും തീ പടരുന്നത് വെള്ളം ഒഴിച്ച് ഒഴിവാക്കിയതിനാല് കൂടുതല് നാശനഷ്ടം സംഭവിച്ചില്ല. ചെങ്ങന്നൂര് സ്റ്റേഷന് ഓഫീസര് കുരുവിള മാത്യു, ലീഡിംഗ് ഫയര്മാന് ഹരിപ്രസാദ്, രതീഷ്,നൂറുദ്ദീന് എന്നിവര് നേതൃത്വം നല്കി.
