കണ്ണൂര്: ഊര്ജ്ജിത വ്യവസായ വല്ക്കരണത്തിന്റെ ഭാഗമായി വ്യവസായ വാണിജ്യ വകുപ്പിന്റെയും കണ്ണൂര് ജില്ലാ വ്യവസായ കേന്ദ്രത്തിന്റയും ആഭിമുഖ്യത്തില് സൂക്ഷ്മ, ചെറുകിട വ്യവസായ സംരംഭകര്ക്കായി 17, 18 തിയ്യതികളില് ഭക്ഷ്യ സംസ്കരരണ മേഖലയുമായി ബന്ധപ്പെട്ട ടെക്നോളജി ക്ലിനിക് നടക്കും. 17 ന് രാവിലെ 10 മണി മുതല് ഫുഡ് സേഫ്റ്റി ആക്റ്റ്, ഭക്ഷ്യ സംസ്കരണ വ്യവസായ മേഖലയില് ഫുഡ് സേഫ്റ്റി ആക്റ്റിന്റെ പ്രസക്തി, ഹസാര്ഡ് അനാലിസിസ് ആന്റ് ക്രിട്ടിക്കല് കണ്ട്രോള് പോയിന്റ് എന്നീ വിഷയങ്ങളില് ഡോ.എന്.ആന്ദവല്ലി ക്ലാസ്സെടുക്കും. തുടര്ന്ന് കാര്ഷികോല്പന്നങ്ങളില് നിന്നുള്ള മൂല്യ വര്ദ്ധിത ഉല്പന്നങ്ങള് എന്ന വിഷയത്തില് എം.ലൈലയും മാംസത്തില് നിന്നുള്ള മൂല്യവര്ദ്ധിത ഉല്പന്നങ്ങള് എന്ന വിഷയത്തില് ഡോ.പി.വി.മോഹനനും ക്ലാസ്സെടുക്കും.
18 ന് രാവിലെ 10.30 ന് നാളികേരത്തില് നിന്നുള്ള മൂല്യ വര്ദ്ധിത ഉല്പന്നങ്ങള് എന്ന വിഷയത്തില് ഡോ.മാധവനും, കണ്സര്വേഷന് ഓഫ് എനര്ജി ഇന് ഫുഡ് പ്രൊസസിംഗ് എന്ന വിഷയത്തില് സി.കെ.സോമനും, ബാര്കോഡിംഗ്, ലേബലിംഗ് എന്നീ വിഷയങ്ങളില് സതീഷ് നായരും, ഭക്ഷ്യ സംസ്കരണ മേഖല നൂതന യന്ത്രസാമഗ്രികള്, സാങ്കേതിക വിദ്യകള് എന്ന വിഷയത്തില് ഷില് അഗസ്റ്റിനും ക്ലാസ്സെടുക്കും.
18 ന് രാവിലെ 9.30 ന് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് പരിപാടി ഔദ്യോഗികമായി ഉദ്ഘാടനം ചെയ്യും. കോര്പറേഷന് കൗണ്സിലര് ലിഷ ദീപക്, ജോസഫ് പൈകട, സി.വി.ദീപക് എന്നിവര് സംസാരിക്കും.
ജില്ലാ വ്യവസായ കേന്ദ്രം മാനേജര് സി.രമേശന്, ഡി.രാജേന്ദ്രന്, കെ.എന്.പീതാംബരന് എന്നിവര് പത്രസമ്മേളനത്തില് പങ്കെടുത്തു.
