ആലപ്പുഴ: പുതുക്കിയ വോട്ടര് പട്ടിക പ്രസിദ്ധീകരണത്തിന് തയ്യാറായി. ജില്ലയിലെ വോട്ടര് പട്ടിക നിരീക്ഷക സുമന.എന്. മേനോന്റെ അധ്യക്ഷതയില് ചേര്ന്ന രാഷ്ട്രീയ കക്ഷി പ്രതിനിധി യോഗത്തില് ലഭിച്ച എല്ലാ പരാതികളിലും തീര്പ്പ് കല്പിച്ചതായി അവര് അറിയിച്ചു. 14നാണ് പുതുക്കിയ പട്ടിക പ്രസിദ്ധീകരിക്കുക.നിലവിലുള്ള പട്ടികയില് ജനുവരി ഒന്നിലെ കണക്കു പ്രകാരം ജില്ലയിലെ ഒമ്പതു മണ്ഡലങ്ങളിലായി 1645831 വോട്ടര്മാരാണുള്ളത്. പട്ടികയില് ചേര്ക്കാന് അപേക്ഷ നല്കിയ 6846 പേരെ കൂടി പുതുതായി ചേര്ത്തിട്ടുണ്ട്. ഇതോടൊപ്പം വിവിധ കാരണങ്ങളാല് 3334 പേരെ പട്ടികയില് നിന്ന് പുറത്താക്കി. ഇതു പ്രകാരം 1649343 പേരാണ് പുതിയ പട്ടികയില് ഇടം പിടിച്ചിട്ടുള്ളത്. 3512 പുതിയ വോട്ടര്മാര് പട്ടികയിലിടം പിടിച്ചു.
ശുദ്ധീകരണത്തിന്റെ ഭാഗമായി ഏറ്റവും കൂടുതല് വോട്ടര്മാര് പുറത്തായത് ഹരിപ്പാട് മണ്ഡലത്തിലാണ്. അവിടെ നിലവിലുണ്ടായിരുന്ന 179986 വോട്ടര്മാര്ക്ക് പുറമേ 639 പേരെ കൂടി പുതുതായി പട്ടികയില് ഉള്പ്പെടുത്തിയപ്പോള് 1091 പേര് പുറത്തായി.നിലവിലെ പട്ടികയില് നിന്ന് 452 പേര് കൂടി കുറഞ്ഞ് 179534 ആണ്. പുതിയ പട്ടികയില് മണ്ഡലത്തിലെ വോട്ടര്മാരുടെ എണ്ണം. ഏറ്റവും കൂടുതല് വോട്ടര്മാരെ പുതുതായി ചേര്ത്തത് മാവേലിക്കര മണ്ഡലത്തിലാണ്. നിലവിലുള്ള 191260 വോട്ടര്മാര്ക്ക് പുറമെ 838 പേര്കൂടി പുതിയ പട്ടികയില് ഇടം പിടിച്ചു. തിരുത്തലില് 123 പേര് പുറത്തായതോടെ 191975 വോട്ടര്മാരാണ് അന്തിമ പട്ടികയിലുണ്ടാവുക.
ജില്ലയില് ഏറ്റവും കൂടുതല് വോട്ടര്മാരുള്ള മണ്ഡലം ചേര്ത്തല തന്നെയായി തുടരും. നിലവിലുള്ള 200867 വോട്ടര്മാര്ക്കൊപ്പം പുതിയ 804 വോട്ടര്മാര് കൂടി പട്ടികയിലിടം നേടി. എന്നാല് 16 പേര് മാത്രമാണ് തിരുത്തലില് പുറത്തായത്. ഇതോടെ അന്തിമപട്ടികയിലുള്ളവരുടെ എണ്ണം 201655 ആയി. ജില്ലയില് ഏറ്റവും കുറവ് വോട്ടര്മാര് കുട്ടനാടാണ്. നിലവിലുള്ള157819 വോട്ടര്മാര്ക്കൊപ്പം 693 പേരെ കൂടി പുതുതായി ചേര്ത്തിട്ടുണ്ട്. അന്തിമപട്ടികയില് വോട്ടര്മാരുടെ എണ്ണം 158512 ആകും. ശുദ്ധീകരണത്തില് ആരെയും പുറത്താക്കാത്ത ഏക മണ്ഡലവും കുട്ടനാടാണ്.
മറ്റു മണ്ഡലങ്ങളിലെ വോട്ടര്മാരുടെ നിലവിലെ എണ്ണം, കൂട്ടിചേര്ത്തവര്, ഒഴിവാക്കപ്പെട്ടവര്, പുതിയ പട്ടികയിലെ വോട്ടര്മാരുടെ എണ്ണം എന്ന ക്രമത്തില് ഇനി പറയുന്നു.102-അരൂര്-184854, 716,37,185533.104-ആലപ്പുഴ 185480, 809, 690, 185599. 105-അമ്പലപ്പുഴ- 162486,791,435, 162842. 108-കായംകുളം-194510,811,916,194705.110-ചെങ്ങന്നൂര്-188569,745,26,189288.
