കണ്ണൂര്‍: 2020, 2024 ഒളിമ്പിക്‌സിനു വേണ്ടി കായിക താരങ്ങളെ കണ്ടെത്താനായി ഗ്യാസ് അതോറിറ്റി ഓഫ് ഇന്‍ഡ്യയും (ഗെയില്‍) നാഷണല്‍ യുവ കോപ്പറേറ്റീവ് സൊസൈറ്റിയും ചേര്‍ന്ന് നടത്തുന്ന ഇന്ത്യന്‍ സ്പീഡ്സ്റ്റാര്‍ സീസണ്‍ -2 കോഴിക്കോട് മേഖലാ തെരഞ്ഞെടുപ്പ് 14 ന് കോഴിക്കോട് മെഡിക്കല്‍ കോളേജ് ഗ്രൗണ്ടില്‍ നടത്തുമെന്ന് നാഷണല്‍ യുവ കോപ്പറേറ്റീവ് സൊസൈറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. കണ്ണൂര്‍, കാസര്‍കോട്, വയനാട്, കോഴിക്കോട് ജില്ലയിലുളളവര്‍ക്കാണ് കോഴിക്കോട് നടക്കുന്ന ട്രയലില്‍ പങ്കെടുക്കാന്‍ സാധിക്കുക. 11 മുതല്‍ 17 വയസ്സുവരെയുളള ആണ്‍-പെണ്‍കുട്ടികള്‍ക്ക് ടാലന്റ് ഹണ്ടില്‍ പങ്കെടുക്കാം. 100, 200, 400 മീറ്ററുകളിലാണ് മത്സരം. ജില്ലാ തെരഞ്ഞെടുപ്പിനു ശേഷം സോണല്‍ തെരഞ്ഞെടുപ്പും തുടര്‍ന്ന് ദേശീയ തെരഞ്ഞെടുപ്പും നടക്കും. അത്‌ലറ്റുകളെ ഗെയില്‍ സ്‌പോണ്‍സര്‍ ചെയ്യും. വിദേശ കോച്ചുകളുടെ സഹായത്തോടെയുളള ക്യാമ്പുകള്‍, അന്താരാഷ്‌ട്ര മത്സരം, സ്‌പോര്‍ട്‌സ് കിറ്റ്, സപ്ലിമെന്ററി ഡയറ്റ് എന്നീ സൗകര്യങ്ങള്‍ ലഭിക്കും. സീസണ്‍ വണ്‍ തെരഞ്ഞെടുപ്പിലൂടെ കണ്ടെത്തിയ 9 അത്‌ലറ്റുകളുടെ പരിശീലനം നടന്നു വരുന്നതായും ഇവര്‍ പറഞ്ഞു. രജിസ്‌ട്രേഷന്‍ ഡൗണ്‍ലോഡ് ചെയ്യാന്‍ ഇന്‍ഡ്യന്‍ സ്പീഡ് സ്റ്റാര്‍ എറ്റ് ജിമെയില്‍.കോം എന്ന ഇമെയില്‍ വിലാസത്തിലോ 8893120554 എന്ന വാട്‌സ് അപ്പ് നമ്പറിലോ ബന്ധപ്പെടണം. കൂടുതല്‍ വിവരങ്ങള്‍ക്ക് 8893120554 എന്ന നമ്പറില്‍ ബന്ധപ്പെടണം. വാര്‍ത്താ സമ്മേളനത്തില്‍ ദിനില്‍ ധനഞ്ജയന്‍, പി.ഗോവിന്ദന്‍, ഡോ.കെബി.പ്രശോബിത്ത്, ടി.എം.ദിലീപ് കുമാര്‍, എം.സി.അരുണ്‍ കുമാര്‍ എന്നിവര്‍ പങ്കെടുത്തു.
ഇന്ത്യന്‍ സ്പീഡ്സ്റ്റാര്‍ ഒളിമ്പിക് ടാലന്റ് ഹണ്ട് 14 ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.