മുഹമ്മ: വിമുക്തഭടന്മാരുടെ കൂട്ടായ്മയായ നാഷണല് എക്സ് സര്വ്വീസ്മെന് കോ-ഓര്ഡിനേഷന് ജില്ലാ ആസ്ഥാന മന്ദിരത്തിന് തറക്കല്ലിട്ടു. മുന് എയര്ഫോഴ്സ് ഉദ്യോഗസ്ഥനും എസ്എന്ഡി പി അമ്പലപ്പുഴ താലൂക്ക് യൂണിയന് പ്രസിഡന്റുമായ കലവൂര് എന്. ഗോപിനാഥാണ് ലക്ഷങ്ങള് വിലമതിക്കുന്ന മൂന്നു സെന്റ് സ്ഥലം ദാനമായി നല്കിയത്.
സംഘടനയുടെ മുഖ്യരക്ഷാധികാരി കൂടിയായ ഗോപിനാഥിനോടുള്ള ആദരസൂചകമായി ആസ്ഥാന മന്ദിരത്തിന് കലവൂര് എന് ഗോപിനാഥ് നവതി മന്ദിരം എന്നാണ് നാമകരണം ചെയ്തിരിക്കുന്നത്. 1,800 സ്ക്വയര് മീറ്റര് വിസ്തൃതിയില് രണ്ടു നിലകളിലായാണ് കെട്ടിടം പണിയുന്നത്. ശിലാസ്ഥാപന കര്മ്മം പങ്കിഗോപിനാഥ് നിര്വഹിച്ചു.
തുടര്ന്ന് നടന്ന യോഗത്തില് ജില്ലാ പ്രസിഡന്റ് അഡ്വ. ആര്. രാജന് അദ്ധ്യക്ഷത വഹിച്ചു. ദക്ഷിണ മേഖല പ്രസിഡന്റ് പി.ആര്. നടരാജപണിക്കര് ഉദ്ഘാടനം ചെയ്തു. സംസ്ഥാന ഓര്ഗനൈസര് മൈഥിലി പത്മനാഭന് മുഖ്യപ്രഭാഷണം നടത്തി. ജില്ലാസെക്രട്ടറി വി.എം. പുരുഷോത്തമന് സ്വാഗതവും വൈസ്പ്രസിഡന്റ് ആര്. പത്മനാഭപിള്ള നന്ദിയും പറഞ്ഞു. കെട്ടിട നിര്മാമണത്തിന് ഒരു ലക്ഷം രൂപ സംഭാവനയായി ജില്ലാപ്രസിഡന്റ് ആര്. രാജനും ശാരദാമ്മ ടീച്ചര് 50,000 രൂപയും സദസില് നല്കി.
