കൊടിയിറക്കം ഇന്ന്

അമ്പലപ്പുഴ: കലയുടെ പൂരത്തിന് ഇന്ന് കൊടിയിറങ്ങവെ സ്‌കൂളുകള്‍ തമ്മില്‍ ഇഞ്ചോടിഞ്ചു പോരാട്ടം. ഹൈസ്‌കൂള്‍ വിഭാഗത്തില്‍ ആകെയുള്ള 80 ഇനങ്ങളില്‍ 70 ഇനങ്ങള്‍ പൂര്‍ത്തിയായപ്പോള്‍ 217 പോയിന്റു നേടി ചേര്‍ത്തല സബ്ജില്ല മുന്നേറുകയാണ്. 213 പോയിന്റു നേടി മാവേലിക്കരയും 2 പോയിന്റു വ്യത്യാസത്തില്‍ ആലപ്പുഴയും തേരോട്ടം തുടരുകയാണ്. 66 പോയിന്റു നേടി ഹൈസ്‌കൂള്‍ വിഭാഗത്തില്‍ എന്‍എസ് ബോയ്‌സ് ഹൈസ്‌കൂള്‍ മാന്നാറാണ് മുന്നില്‍.

63 പോയിന്റു നേടി ഹൈസ്‌കൂള്‍ ചെട്ടികുളങ്ങരയും 54 പോയിന്റോടെ വിവിഎച്ച്എസ്എസ് താമരക്കുളവും തൊട്ടുപിന്നിലുണ്ട്. ഹയര്‍ സെക്കന്ററി വിഭാഗത്തില്‍ ആകെയുള്ള നൂറിനങ്ങളില്‍ 79 ഇനങ്ങള്‍ പൂര്‍ത്തിയായതോടെ തുറവുര്‍ ഉപജില്ലക്ക് 252 ഉം കായംകുളത്തിന് 248 ഉം ചെങ്ങന്നൂരിന് 241 പോയിന്റും ലഭിച്ചു. 154 പോയിന്റോടെ ഹയര്‍ സെക്കന്ററി വിഭാഗത്തില്‍ എന്‍എസ് ബോയ്‌സ് എച്ച്എസ്എസ് മാന്നാര്‍ മുന്നേറ്റം തുടരുന്നു.

63 പോയിന്റോടെ എസ്എന്‍എം എച്ച്എസ്എസ് ശ്രീകണ്‌ഠേശ്വരം രണ്ടാം സ്ഥാനത്തു 59 പോയിന്റോടെ എസ്എന്‍എം എച്ച്എസ്എസ് പുറക്കാട് മൂന്നാം സ്ഥാനത്തും മുന്നേറുകയാണ്. യുപി വിഭാഗത്തില്‍ 33 ഇനങ്ങളില്‍ 24 ഇനങ്ങള്‍ പൂര്‍ത്തിയായപ്പോള്‍ 97 പോയിന്റോടെ കായംകുളം ഉപജില്ല മുന്നേറുന്നു. ഒരു പോയിന്റു വ്യത്യസത്തില്‍ ആലപ്പുഴ ഉപ ജില്ല രണ്ടാം സ്ഥാനത്തും 86 പോയിന്റോടെ ഹരിപ്പാടും മുന്നേറുന്നു.

36 പോയിന്റു നേടി മണ്ണാറശാല യുപിഎസ് ആണ് യുപി വിഭാഗത്തില്‍ മുന്നേറുന്നത്. 25 പോയിന്റുവീതം നേടി ആലപ്പുഴ സെന്റ് ജോസഫ്‌സ് എസ്എച്ച്എസ്എസ് ഉം ചേര്‍ത്തല ഗവ. എച്ച്എസ്എസ് തൊട്ടുപിന്നിലാണ്. 23 പോയിന്റുവീതം നേടി കായംകുളം സെന്റ് മേരി ജിഎച്ച്എസ്എസ്, നീര്‍ക്കുന്നം എസ്ഡിവി ഗവ. യുപി സ്‌കൂളും മൂന്നാം സ്ഥാനത്തുണ്ട്.

യുപി സംസ്‌കൃതത്തില്‍ 19 ഇനങ്ങളില്‍ 16 ഇനങ്ങള്‍ പൂര്‍ത്തിയായതോടെ 63 പോയിന്റു നേടി ഹരിപ്പാട് ഉപജില്ല മുന്നേറുകയാണ്. 53 പോയിന്റോടെ ആലപ്പുഴയും ഒരു പോയിന്റു വ്യത്യാസത്തില്‍ മാവേലിക്കരയും തൊട്ടുപിന്നിലുണ്ട്. 60 പോയിന്റോടെ മണ്ണാറശ്ശാല യു പി സ്‌കൂളാണ് യുപി സംസ്‌കൃതത്തില്‍ മുന്നേറുന്നത്. 32 പോയിന്റോടെ ചമ്പക്കുളം സെന്റ് മേരീസ് തോമസ് യുപിഎസ് രണ്ടാം സ്ഥാനത്തും 24 പോയിന്റു നേടി കോയിപ്പള്ളിക്കാരാഴ്മ വിഎസ്എസ്എച്ച്എസ് മൂന്നാം സ്ഥാനത്തുമുണ്ട്.

ഹൈസ്‌കൂള്‍ സംസ്‌കൃത വിഭാഗത്തില്‍ 2 ഇനങ്ങള്‍ കൂടി പൂര്‍ത്തിയാകാനുള്ള പ്പോള്‍ 68 പോയിന്റോടെ മാവേലിക്കരയും 47 പോയിന്റോടെ കായംകുളം മുന്നിലാണ്. ഹൈസ്‌കൂള്‍ സംസ്‌കൃത വിഭാഗത്തില്‍ 42 പോയിന്റോടെ ടിഡിഎച്ച്എസ്എസ് തുറവൂരാണ് മുന്നില്‍ 36 പോയിന്റു നേടി ടിഡിഎച്ച്എസ്എസ് 2 ഉം 35 പോയിന്റു നേടി പാണ്ടനാട് എസ്‌വി എച്ച്എസ് മൂന്നാം സ്ഥാനത്തും മുന്നേറ്റം തുടരുകയാണ്.

യുപി അറബിക് വിഭാഗത്തില്‍ ഒരു ഇനം കൂടി പൂര്‍ത്തിയായപ്പോള്‍ തുറവുര്‍ ഉപജില്ല മുന്നേറുകയാണ്. ഹൈസ്‌കൂള്‍ സംസ്‌കൃതോത്സവത്തില്‍ 80 പോയിന്റോടെ ചേര്‍ത്തലയും മുന്നേറുന്നു.

സമാപന ദിവസമായ ഇന്ന് പ്രധാന വേദിയായ ഗവ.മോഡല്‍ ഹയര്‍ സെക്കന്ററി സ്‌കൂളില്‍ നടക്കുന്ന സമാപന സമ്മേളനം ഇന്നു മന്ത്രി പി. തിലോത്തമന്‍ ഉദ്ഘാടനം ചെയ്യും.