അമ്പലപ്പുഴ: പ്രധാന വേദിയുടെ സ്ഥലപരിമിതി കഥകളി മത്സരാര്ത്ഥികളെ വലച്ചു. തെരുവു യോഗത്തിന് ഉപയോഗിക്കുന്ന വലിപ്പം പോലും പ്രധാന വേദിക്കില്ലന്നുള്ള ആക്ഷേപമുയരുന്നു. കഥകളി മത്സരം നടന്ന വേദിയില് ആട്ടവിളക്ക് സ്ഥലപരിമിതി കാരണം വേദിക്ക് പുറത്താണ് സ്ഥാപിച്ചത്. അതും അലങ്കാര വിളക്കാണ് സ്ഥാപിച്ചത് വേദിയുടെ ഒരു ഭാഗത്ത് പക്കമേളക്കാരും പുറക്പാട്ടുകാരും സ്ഥാനം പിടിച്ചതോടെ മത്സരാര്ത്ഥികള് കൂട്ടില് കിടക്കുന്ന കിളികളെ പോലെയാണ് രംഗാവിഷ്ക്കാരം നടത്തിയത്. വലിയ മത്സരങ്ങള് നടക്കുന്ന പ്രധാന വേദിയില് മതിയായ വെളിച്ചം ക്രമീകരിക്കാന് പോലും സംഘാടക സമിതിക്ക് കഴിഞ്ഞിട്ടില്ല വീഡിയോ ലൈറ്റിന്റെ പ്രകാശത്തിലാണ് കഥകളി മത്സരം നടന്നത് ഇത് മത്സരാര്ത്ഥികളുടെ ഭാവപ്രകടനങ്ങള് വിലയിരുത്തുന്നതില് വിധികര്ത്താക്കളെ നന്നെ ബുദ്ധിമുട്ടിച്ചു. തുടക്കത്തില് പ്രധാന മത്സരങ്ങള് നടത്തിയതിലും വിമര്ശന മുയര്ന്നു. സാധാരണ കഥകളി മത്സരം വീക്ഷിക്കാന് സദസില് നിറയെ പ്രേക്ഷകര് എത്താറുണ്ട് എന്നാല് ആദ്യദിനത്തില് തന്നെ കഥകളി മത്സരം സംഘടിപ്പിച്ചതോടെ പ്രേക്ഷകര് വിരളമായിരുന്നു. മാധ്യമ പ്രവര്ത്തകരും മത്സരാര്ത്ഥികള്ക്കൊപ്പം എത്തിയ ഏതാനും ആള്ക്കാരു മാത്രമായിരുന്നു സദസില്
പ്രധാന വേദിയുടെ സ്ഥല പരിമിതി കഥകളി മത്സരാര്ത്ഥികളെ വലച്ചു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.