ഗാന്ധിനഗര്: കായിക പ്രതിഭകളെ വാര്ത്തെടുക്കുവാന് സ്പോര്ട്സ് ഡിവിഷന്റെ ആവശ്യമില്ലെന്ന് ഏറ്റുമാനൂര് എംഎല്എ സുരേഷ് അഭിപ്രായപ്പെട്ടു. ആര്പ്പൂക്കര മെഡിക്കല് കോളേജ് സ്കൂളിന്റെ കനകജൂബിലിയോടനുബന്ധിച്ച് നടന്ന പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം.
പൊതുവിദ്യാഭ്യാസരംഗത്ത് സര്ക്കാര് ശ്രദ്ധിക്കുന്നുണ്ടെങ്കിലും സ്കൂളുകളുടെ വികസനത്തിനായി നാട്ടുകാരുടെ കൂട്ടായ പരിശ്രമം ഉണ്ടാകണം. നടക്കാവ് സര്ക്കാര് സ്കൂളിന്റെ പ്രവര്ത്തനം മാതൃകയാക്കി അടിസ്ഥാന സൗകര്യങ്ങള് വികസിപ്പിക്കണമെന്നും അദ്ദേഹം പറഞ്ഞു.
ജില്ലാ പഞ്ചായത്തംഗം അഡ്വ. മഹേഷ്ചന്ദ്രന് അദ്ധ്യക്ഷത വഹിച്ചു. മുന് എംഎല്എ തോമസ് ചാഴികാടന് മുഖ്യപ്രഭാഷണം നടത്തി. മെഡിക്കല് കോളേജ് പ്രിന്സിപ്പല് ഡോ. ജോസ് ജോസഫ്, ഗൈനക്കോളജി വിഭാഗം മേധാവി ഡോ. അജയകുമാര്, അര്ജുന അവാര്ഡ് ജേതാവ് പത്മിനി തോമസ്, ബ്ലോക്ക് പഞ്ചായത്ത് പ്രസിഡന്റ് പി.വി. മൈക്കിള്, പഞ്ചായത്ത് പ്രസിഡന്റ് ആനന്ദ് പഞ്ഞിക്കാരന്, പി.യു തോമസ് നവജീവന് ട്രസ്റ്റ്, വാര്ഡ് അംഗം എല്സമ്മ വേളാശ്ശേരി, ഇ.എന്. മുരളീധരന് നായര്, എച്ച്എസ്എസ് പ്രിന്സിപ്പല് പ്രിന്സി ഗ്രിഗോറിയസ്, വിഎച്ച്എസ്സി പ്രിന്സിപ്പല് മേരി ഷീബ, പ്രഥമാദ്ധ്യാപിക പി. സുജാത, ഇ.ജെ. ഷാജി, വി.എന്. രമണന് തുടങ്ങിയവര് പ്രസംഗിച്ചു.
സ്കൂളിന്റെ ആദ്യത്തെ പ്രഥമാദ്ധ്യാപകന് കെ.പി. ഗോപാലകൃഷ്ണന് നായര്, വിരമിച്ച അദ്ധ്യാപകര്, ആദ്യബാച്ചിലെ പൂര്വ്വ വിദ്യാര്ത്ഥികള് എന്നിവരെ യോഗത്തില് ആദരിച്ചു.
