അമ്പലപ്പുഴ: തവണ വ്യവസ്ഥയില് പണം വിതരണം ചെയ്ത് കള്ളപ്പണം വെളുപ്പിക്കാന് ശ്രമിക്കുന്നതായി ആരോപണം. പുറക്കാട് ഭാഗത്ത് കഴിഞ്ഞദിവസം നടന്നത് ലക്ഷങ്ങളുടെ സാമ്പത്തിക ഇടപാട്. പുറക്കാട് പഞ്ചായത്തിന്റെ വിവിധ ഭാഗങ്ങളില് നിരവധി യുവാക്കള് പണവുമായി എത്തി രണ്ടായിരം രൂപ മുതലാണ് ആവശ്യക്കാര്ക്ക് വിതരണം ചെയ്തത്. സാധാരണ തമിഴ്നാട് സ്വദേശികള് നടത്തിവരുന്ന പണമിടപാടിനു തുല്യമായാണ് വീടുകള് കയറി പണം വേണോയെന്ന് ആവശ്യപ്പെട്ടത്. 2,000 രൂപ ആവശ്യമുള്ളവര്ക്ക് മുഴുവന് തുകയും നല്കുകയും ഇത് 11 ആഴ്ചകളായി 200 രൂപ വീതം തിരിച്ചടയ്ക്കാനുമുള്ള വ്യവസ്ഥയിലാണ് ഇടപാടുകള് നടത്തുന്നത്. പണം ഇടപാടുമായി എത്തിയവരില് പലരും പല സാമ്പത്തിക സ്ഥാപനങ്ങള്ക്കുവേണ്ടിയും ഗുണ്ടാപ്പിരിവും ക്വട്ടേഷന് സംഘവും നടത്തുന്നവരാണെന്ന് നാട്ടുകാര് ആരോപിക്കുന്നു. കഴിഞ്ഞദിവസം വന്ന ഇടപാടുകാര് ലക്ഷങ്ങളുടെ ഇടപാടുകള് നടത്തിയതായാണ് നാട്ടുകാര് പറയുന്നത്.
പുറക്കാട് അനധികൃത സാമ്പത്തിക ഇടപാട് നടക്കുന്നതായി ആരോപണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.