ഡിജിറ്റല് ബാങ്കിങ് സാക്ഷരതാ പ്രചരണ പ്രവര്ത്തനങ്ങളുടെ ജില്ലാതല ഉദ്ഘാടം ബിജെപി സംസ്ഥാന ജനറല് സെക്രട്ടറി
എ.എന്.രാധാകൃഷ്ണന് ഉദ്ഘാടനം ചെയ്യുന്നു
ആലപ്പുഴ: ജില്ലയില് ഡിജിറ്റല് ബാങ്കിങ് സാക്ഷരതാ പ്രചരണ പ്രവര്ത്തനങ്ങള്ക്ക് തുടക്കമായി. ഡോ. എപിജെ അബ്ദുള് കലാം സെന്റര് ഫോര് ബാങ്കിങ് ലിറ്ററസി മിഷന്റെയും പണ്ഡിറ്റ് ദീനദയാല് ഉപാദ്ധ്യായ ഹെല്പ് ഡെസ്കിന്റെയും ആഭിമുഖ്യത്തിലാണ് ബോധവത്ക്കരണ പ്രവര്ത്തനം.
ജില്ലാതല ഉദ്ഘാടനം ആലപ്പുഴയില് ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന് നിര്വഹിച്ചു. ബിജെപി ജില്ലാ സെക്രട്ടറിയും ഹെല്പ്പ്ഡെസ്ക്ക് ജില്ലാ കണ്വീനറുമായ എം.വി. ഗോപകുമാര്, ബിസിനസ്സ് സെല് ജില്ലാ കണ്വീനര് ഹരിനാരായണന്, ഐടി സെല് ജില്ലാ കണ്വീനര് ടി. വിനോദ്കുമാര്. മീഡിയ സെല് ജില്ലാ കണ്വീനര് ആര്. സി. രാജീവ്, ബിജെപി ആലപ്പുഴ മണ്ഡലം പ്രസിഡന്റ് ജി. വിനോദ് കുമാര്, ദീപു വേണുഗോപാല് എന്നിവര് പങ്കെടുത്തു.
ബിജെപി ഭരിക്കുന്ന തിരുവന്വണ്ടൂര് ഗ്രാമ പഞ്ചായത്തും, ബിജെപി പ്രതിനിധീകരിക്കുന്ന മറ്റ് തദ്ദേശസ്ഥാപനങ്ങളിലെ വാര്ഡുകളും സമ്പൂര്ണ സമ്പൂര്ണഡിജിറ്റല് ബാങ്കിങ് പ്രദേശങ്ങളാക്കി മാറ്റുന്നതിനുള്ള പ്രവര്ത്തനങ്ങളും ആരംഭിച്ചു. ജില്ലയിലെ ഒന്പതു നിയോജക മണ്ഡലങ്ങളിലും ഇതേ സമയം ഉദ്ഘാടനം നടന്നു.
ഓരോ മണ്ഡലത്തിലും നൂറു പേരടങ്ങുന്ന പ്രവര്ത്തകരെ പരിശീലനം നല്കി ഇതിനായി നിയോഗിക്കും.
കുട്ടനാട് മണ്ഡലത്തില് നടന്ന പരിപാടിയുടെ ഉദ്ഘാടനം ബിജെപി മണ്ഡലം പ്രസിഡന്റ് ഡി. പ്രസന്നകുമാര് നിര്വ്വഹിച്ചു. മണ്ഡലം വൈസ് പ്രസിഡന്റ് കെ.ആര്. മോഹന് ദാസ് അദ്ധ്യക്ഷത വഹിച്ചു. മണ്ഡലം വൈസ് പ്രസിഡന്റ് കെ. ഉല്ലാസ്, ട്രഷറര് ആര്. രമേശ്, ജനറല് സെക്രട്ടറിമാരായ മണിക്കുട്ടന് ചേലേക്കാട്, കെ.ബി. ഷാജി, സെക്രട്ടറിമാരായ ടി.എസ്. വേണുഗോപാല്, ടി.ജി. ജയകുമാര്, എ.എന്. ഹരിദാസ് തുടങ്ങിയവര് നേതൃത്വം നല്കി.
മാവേലിക്കരയില് കറന്സി രഹിത ഡിജിറ്റല് ബാങ്കിംഗ് അവബോധനം ബിജെപി നിയോജക മണ്ഡലം പ്രസിഡന്റ് വെട്ടിയാര് മണിക്കുട്ടന് ഉദ്ഘാടനം ചെയ്തു. മിച്ചല് ജങ്ഷന് സമീപമുള്ള വ്യാപാര സ്ഥാപനത്തില് മൊബൈല് ആപ്ലിക്കേഷന് പരിചയപ്പെടുത്തി.
ഹെല്പ്പ് ഡെസ്ക് നിയോജകമണ്ഡലം ഇന്ചാര്ജ്ജ് അഡ്വ. കെ.കെ. അനൂപ്, നിയോജകമണ്ഡലം കണ്വീനര് വി.എസ്. രാജേഷ്, ഭാരവാഹികളായ വിജയകുമാര് പരമേശ്വരത്ത്, കെ.എം. ഹരികുമാര്, എസ്. രംഗനാഥ്, മോഹന്കുമാര്, കൗണ്സിലര്മാരായ എസ്. രാജേഷ്, ആര്. രാജേഷ്, ശങ്കര്, എം. സുരേഷ്കുമാര് എന്നിവര് പങ്കെടുത്തു.
