സാംഖ്യം

100 റിയാലിന്റെ വര്‍ധനവുമായി ഒമാന്‍ തൊഴില്‍ വിസാ നിരക്ക് കൂട്ടി. പ്രവാസികള്‍ക്ക് കനത്ത തിരിച്ചടിയായി ഒമാന്‍ മാനവ വിഭവശേഷി മന്ത്രാലയത്തിന്റെ പുതിയ ഉത്തരവ്. തൊഴില്‍ വിസാ ഫീസ് നിരക്ക് കുത്തനെ കൂട്ടുകയാണുണ്ടായത്.

100 കോടി ക്ലബില്‍ പുലിമുരുകന്‍. മോഹന്‍ലാല്‍ തകര്‍ത്താടിയ മലയാളത്തിന്റെ ബ്രഹ്മാണ്ഡ ചിത്രം പുലിമുരുകന്‍ 100 കോടി ക്ലബില്‍. റിലീസായി ഒരുമാസം പിന്നിടുമ്പോഴാണ് ഈ നേട്ടം. ആദ്യമായാണ് ഒരു മലയാള സിനിമ 100 കോടി ക്ലബില്‍ ഇടം നേടുന്നത്.

177 റണ്‍സിന് ഓസ്‌ട്രേലിയക്കെതിരെയുള്ള ടെസ്റ്റ് ക്രിക്കറ്റില്‍ ദക്ഷിണാഫ്രിക്ക വിജയിച്ചു. രണ്ടാം ഇന്നിംഗ്‌സില്‍ 542 റണ്‍സ് വിജയലക്ഷ്യം പിന്തുടര്‍ന്ന ഓസ്‌ട്രേലിയ 361 റണ്‍സിന് പുറത്തായി. റബാദ അഞ്ചുവിക്കറ്റ് വീഴ്‌ത്തി.

160 രൂപ കുറഞ്ഞ് സ്വര്‍ണ വില പവന് 22,960 രൂപയായി. 2870 രൂപയാണ് ഗ്രാമിന്റെ വില. നാല് ദിവസമായി ഉയര്‍ന്ന വിലയായ 23,120 രൂപയില്‍ തുടരുകയായിരുന്നു സ്വര്‍ണ വില. ആഗോള വിപണിയിലെ വില വ്യതിയാനമാണ് ആഭ്യന്തര വിപണിയിലും പ്രതിഫലിച്ചത്.

185 പോയന്റ് നേട്ടത്തില്‍ സെന്‍സെക്‌സ് ക്ലോസ്‌ചെയ്തു. സെന്‍സെക്‌സ് 184.84 പോയന്റ് നേട്ടത്തിലും 27458.99 ലും നിഫ്റ്റി 8497.05ലുമാണ് വ്യാപാരം അവസാനിപ്പിച്ചത്. രാവിലെ മുതലുള്ള നേട്ടം ക്ലോസ് ചെയ്യുന്നതുവരെ നിലനിര്‍ത്താന്‍ സൂചികകള്‍ക്കായി.