15 മിനിറ്റ് പെട്രോള് പമ്പുകള് അടച്ചിട്ടു. പെട്രോള്,ഡീസല് വില്പ്പനയ്ക്കുളള കമ്മീഷന് വര്ദ്ധിപ്പിക്കുക, കമ്പനികളുടെ പീഡനവും മറ്റും ആരോപിച്ച് പൊതുമേഖലാ എണ്ണക്കമ്പനികളുടെ പെട്രോള് പമ്പുകളില് ബുധനാഴ്ചയാണ് പ്രതിഷേധ പരിപാടി സംഘടിപ്പിച്ചത്.
22 കോടിയുടെ ക്രമക്കേട് ടാറ്റ കമ്പനിയില് നടന്നതായി റിപ്പോര്ട്ട്. ചെയര്മാന് സ്ഥാനത്ത് നിന്ന് പുറത്താക്കിയ സൈറസ് മിസ്ത്രിയാണ് ആരോപണങ്ങളുമായി രംഗത്തെത്തിയിട്ടുളളത്. ടാറ്റഗ്രൂപ്പും എയര്ഏഷ്യയും ചേര്ന്നുളള സംരംഭത്തിലാണ് ക്രമക്കേട്.
30 പേര് അഫ്ഗാനിസ്ഥാനിലുണ്ടായ ഐഎസ് ഭീകരാക്രമണത്തില് കൊല്ലപ്പെട്ടു. ഐഎസിന്റെ പ്രാദേശിക തലവന് ഫിറോസ് കോഹ് കൊല്ലപ്പെട്ടതിന്റെ പ്രതികാരമായിട്ടായിരുന്നു നടപടി. സൈന്യത്തിന്റെ ആക്രമണത്തില് ഐഎസ് കമാന്ഡര് കൊല്ലപ്പെട്ടിരുന്നു.
32 ഗ്രാമപഞ്ചായത്തുകളില് കൂടി മാവേലി സ്റ്റോറുകള് തുടങ്ങുമെന്ന് മന്ത്രി പി.തിലോത്തമന്. നിയമസഭയിലാണ് അദ്ദേഹം ഇക്കാര്യം വ്യക്തമാക്കിയത്. സ്പ്ലൈകോ ജീവനക്കാരുടെ ശമ്പള പരിഷ്ക്കരണവും സര്ക്കാരിന്റെ പരിഗണനയിലുണ്ട്.
40 കോടി രൂപയുടെ അഴിമതിക്കേസില് യെദ്യൂരപ്പയെ കുറ്റവിമുക്തനാക്കിയതായി സിബിഐ കോടതി. ബല്ലാരി ഖനന അഴിമതിക്കേസിലാണ് മുതിര്ന്ന ബിജെപി നേതാവും മുന് കര്ണാടക മുഖ്യമന്ത്രിയുമായ യദ്യൂപ്പയെ കോടതി കുറ്റവിമുക്തനാക്കിയത്.
